चन्दा चौधरीको प्रश्न : कांग्रेसको नेताले मात्रै भ्रष्टाचार गरेको हो ?

१२ भदौ, काठमाडौं । नेपाली कांग्रेसकी सांसद चन्दा चौधरीले संसदमा नेपाली कांग्रेसका नेताहरूमाथि प्रमण नपुगिकनै जेलमा राखिएको भनेर असन्तुष्टि व्यक्त गरेकी छन् ।

मंगलबार संसदको विशेष समयमा बोल्दै सांसद चौधरीले अरू पार्टीका नेताको प्रमण पुग्दा पनि कारवाही नगरेको, तर कांग्रेस नेतालाई प्रमाण नपुग्दा पनि पक्राउ गरिएको बताइन् ।

‘भ्रष्टाचार नै नगरी, मिडियाको भरमा, रेकर्डको भरमा, फेक न्यूजको भरमा हाम्रो कांग्रेसका नेताहरूमाथि कारवाही हुने, अरूको प्रमाणसहित हुँदा पनि दुधले धोएर, चोख्याएर घरमा राख्ने ?,’ सांसद चौधरीले प्रश्न गरिन्, ‘हाम्रो नेताहरूलाई प्रमण नै नहुँदा पनि जेलमा राख्ने ?’

उनले संसदमा आफूलाई पीएचडी गरेको भन्ने माननीय संसदले लुगा फुकाल्दै बोल्ने, महिलाको चरित्र हत्या गर्ने काम भएको तर कांग्र्रेसको माननीयलाई मात्रै कारवाही भएको बताइन् ।

‘हामीले यो कारवाही नगर्ने भनेको होइन । तर फेक समाचारका भरमा यस्तो नहोस्, सत्यतथ्य प्रमाणित भइसकेपछि समातेर कारवाही होस्,’ उनले भनिन् ।

थप समाचारहरु

कोरियासहितका मुलुकमा मौसमी कामदारका रुपमा श्रम स्वीकृति दिइँदैन : मन्त्रालय प्रतिनिधिसभाको बैठक बस्दै नबसी स्थगित कोशीको मुख्यमन्त्रीमा कांग्रेसका उद्धव थापा नियुक्त पुल्चोकको मन्त्री निवास अब ‘न्यायाधीश निवास’ बन्ने माओवादी केन्द्रले केन्द्रीय समितिमा थप्यो २४ जना महिला सुन तस्करी प्रकरणको छानबिन सीआइबीले गर्न सक्दैनः एमाले सांसद श्रेष्ठ