स्व. चित्र कुमारी चौधरी(लिम्बु) तेस्रो मलिथम फुटबल प्रतियोगिता आजबाट सुरु

३ कार्तिक, काठमाडौं । स्वर्गीय चित्र कुमारी लिम्वु (स्मृति) तेस्रो मलिथम फुटबल प्रतियोगिता आज (शुक्रबार) बाट सुरु भएको छ । उदयपुरको गाईघाटस्थित थरुहट रंगशालामा उक्त प्रतियोगिता सुरु भएको हो ।

लागुपदार्थ दुर्व्यसनी विरुद्ध हाम्रो अभियान, स्वस्थ सभ्य समाज हाम्रो पहिचान भन्ने मुल नाराका साथ आयोजना गरिएको उक्त प्रतियोगिताको आज उद्घाटन खेलमा लक्ष्मीपुर एफसी र ड्याडी फुटसल मोतिगडाले जित हात पारेको छ ।

लक्ष्मीपुरले जोगीदह युवा क्लबलाई ३–० को गोलले हराउदै जित हात पारे भने ड्याडी फुटसलले जनज्योती फुटबल क्लबलाई १–० को गोलले हराउँदै जित हात पारे ।

प्रतियोगीताको उद्घाटन कार्यक्रममा विभिन्न क्षेत्रका विशिष्ट व्यक्तित्वहरुको उपस्थिति रहेको थियो ।

आठ वटा टिम सहभागी रहेको यस प्रतियोगितामा भोलि पनि दुई ओटा खेल हुनेछ । खेल साँझ २ बजेदेखि सुरु हुनेछ ।