एनएसएल : पहिलो हाफमा धनगढी र ललितपुरको १-१ गोलको बराबरी

१४ पुस, काठमाडौं । नेपाल सुपर लिग २०२३को फाइनल खेलमा पहिलो हाफसम्म आइपुग्दा धनगढी एफसी र ललितपुर सिटी ले १-१गोल बराबरी खेलेका छन् ।

त्रिपुरेश्वरस्थित दशरथ रंगशालमा भएको फाइनल खेलमा धनगढी एफसीले खेलको पहिलो हाफ सकिँदा धनगढी एफसी र ललितपुर सिटीले १-१ गोलको बराबरी खेलेका हुन् ।

खेलको ३७औ मिनेटमा आफिज ओलावाले गोल गर्दै धनगढीलाई अग्रता दिलाए । अहमद हिजाजीले हानेका प्रहार ललितपुरका जेफ्री बाल्टुसले पूर्ण रुपमा क्लियर गर्न नसकेपछि रिबाउण्ड आएको बलमा ओलावालेले वान टचमै गोल गरे ।

यस्तै खेलको ४५+११ मिनेटमा ललितपुरले बराबरी गोल फर्कायो । करिब २० यार्डमा पाएको फ्रिकिकमा ललितपुरका इमोह इजेकेलले गोल गरे । उनले फस्ट बारमा हानेको प्रहार धनगढीका किपर मोहमद ताहाले रोक्ने अवसर नै पाएनन् ।

फाइनल खेलको पहिलो हाफमा दुवै टोलीले एक एक गोल गरेका छन् । दुवै टिमका विदेशी खेलाडीले गोल गरे । धनगढीले पहिले अग्रता दिलाएपनि इन्जुरी टाइमको अन्तिममा ललितपुरले बराबरी गोल फर्काएको हो । अब दोस्रो हाफमा कसले गोल गर्ला ? त्यो हेर्न बाँकी छ ।