कांग्रेसलाई ओलीको प्रश्न : पोहोर अस्थिरता नहुने अहिले कसरी हुन्छ ?

३० फागुन, काठमाडौं । नेकपा एमाले अध्यक्ष केपी शर्मा ओलीले कांग्रेसलाई सरकार परिवर्तनमा आफ्नो भूमिका हेर्न अनुरोध गरेका छन् ।

नयाँ गठबन्धन बनेपछि बुधबार संसदमा प्रधानमन्त्री पुष्पकमल दाहाल प्रचण्डले राखेको विश्वासको मतसम्बन्धी प्रस्तावको समर्थन गर्दै ओलीले आफूले दुई महिनामा सरकार ढाल्दा अस्थिरता नहुने अहिले १४ महिनामा सरकार ढाल्दा कसरी अस्थिरता भयो भनेर प्रश्न गरे ।

‘सरकार परिवर्तन भएको छ, यो स्वाभाविक छ । हामीले प्रतिस्पर्धाको प्रणाली ल्यायौँ । बहुमत कसैसँग छैन, अस्थिरताको खेती यहाँहरूले गर्नुभएको हो’, ओलीले भने, ‘पोहोर दुई महिनामा सरकार परिवर्तन गर्दा अस्थिरता लागेन, अहिले एक वर्ष १४ महिनापछि सरकार परिवर्तन गर्दा के को अस्थिरता भयो ? पोहोर अस्थिरता भएको थिएन त ? पोहोर साल दुई महिना पनि नपुगिकन शान्त, स्थिर भइकन सरकार परिवर्तन गरेको होइन ?’

उनले नेपाली कांग्रेसलाई ऐनामा हेरेर बोल्न समेत आग्रह गरे । ओलीले कांग्रेसलाई अरूको एकतामा भाँजो हाल्ने गरेको आरोप समेत लगाए ।

२०७९ पुस १० गते नेकपा एमाले-माओवादी केन्द्रसहितको दलको सहभागितामा प्रचण्डको नेतृत्वमा गठबन्धन सरकार बनेको थियो । तर प्रधानमन्त्री प्रचण्डले दुई महिनामै एमालेसँगको सम्बन्ध तोडेर कांग्रेससँग गठबन्धन बनाउँदा एमालेका मन्त्रीहरु सरकारबाट बाहिरिएका थिए भने केही प्रदेशमा मुख्यमन्त्री नै परिवर्तन भएका थिए ।

थप समाचारहरु

बालकुमारी घटना हुनुमा भौतिकमन्त्री जिम्‍मेवार हो : केपी ओली संसदमा दर्ता भयो राजनीतिक दल सम्बन्धी ऐनको संशोधन विधेयक बालुवाटारमा मुख्यमन्त्रीहरूसहित सत्ता साझेदार दलको बैठक जारी प्रतिनिधि सभा र राष्ट्रिय सभा बैठक बस्दै सत्तापक्षको बेन्चमा बसे १५७ सांसद, नाउपा पनि सत्ताकै बेञ्चमा प्रतिनिधि सभाको बैठकमा आज झन्डै आधा दर्जन सम्भावित कार्यसूची