कर्णाली पुलमा एकतर्फी सवारीसाधन सञ्चालन

५ चैत, धनगढी । गत सोमबार गुडिरहेको ट्रकमाथि अचानक आगलागी भएपछि सामान्य क्षति भएको चिसापानीस्थित कर्णाली पुलमा सवारीसाधन आवागमन सुचारू गरिएको छ ।

कर्णाली पुलमा सोमबार बिहानदेखि एकतर्फी रूपमा सवारीसाधन सञ्चालन भएको कैलालीका प्रवक्ता प्रहरी नायब उपरीक्षक(डीएसपी ) कुलदिप चन्दले बताए ।

गत २८ गते विरगञ्जबाट लाइटर बोकेर महेन्द्रनगरतर्फ जाँदै गरेको ट्रकमाथि एक्कासि आगलागी भएको थियो ।

ट्रकको आगो पुलमा समेत सल्किएपछि समान्य क्षति भएको थियो । सडक विभाग र पुल महाशाखाको टोलीले संयुक्त रूपमा पुलको निरीक्षण गर्दै मर्मतसम्भार गरेको थियो ।