जनकपुरको एक होटेलमा महिला र पुरुष मृत अवस्थामा भेटिए

११ वैशाख, धनुषा। जनकपुरको रामानन्दचौकमा रहेको होटेल होलि डे एण्ड गेष्ट हाउसमा महिला र पुरुष मृत अवस्थामा फेला फरेको छ ।

महोत्तरीको पिपरा गाउँपालिका ३ का ३१ वर्षीय हितेन्द्र पासवान र माइत पिपरा नै भएकी महोत्तरीको लोहारपट्टी नगरपालिका ४ खट्टाकी अन्दाजी २५ वर्षीया प्रियंका कापर छन् ।

आज बिहान ११ बजेतिर कोठा नम्बर २०५ मा दुबैजना पासोमा झुन्डिएर मृत अवस्थामा भेटिएको धनुषाका प्रहरी प्रवक्ता डिएसपी रञ्जन अवाले बताए । कोठा भित्र महिलाकी अढाई वर्षीया छोरी रोइरहेको आवाज सुनिएपछि झ्यालबाट हेर्दा सलको पासोमा झुन्डिएको थियो ।

धनुषाको प्रहरी टोलि घटनास्थलमा पुगेर ढोकाको तोडेर बालिकालाई बाहिर निकालेको छ । दुबैजना चारदिनदेखि होटेलमा थिए । पुरुको चार र महिलाको १ सन्तान छन् ।

दुबैजनाको अनैतिक सम्बन्ध रहेको आशंका गरिएको छ । घटना विषयमा थप अनुसन्धान गरिरहेको प्रहरीले जनाएको छ ।