‘मनमा तिम्रो’ गीतमा गायिका स्वरुपा फरक अवतारमा

१४ असार ,काठमाडौं । मनमा तिम्रो बोलको गीतको भिडियो रिलिज गरिएको छ । गायिका स्वरुपा सुवालको स्वर रहेको पप शैलीको गीतमा स्वरुपाले प्रेममा विश्वाघात गर्नेहरुसँग आफ्नो चोखो माया साट्न नसक्ने अडान लिएर अघि बढेको दृश्यलाई देखाइएको छ ।

आफूले धेरै चाहना राख्दाराख्दै पनि निष्ठुरीले परस्त्रीसँग सम्बन्ध राखेको भन्दै आफ्नो बाटो लागेको त्रिकोणात्मक प्रेम कथालाई भिडियोमा देखाइएको छ ।

गायिका स्वरुपाकै  शब्द तथा संगीत रहेको  सार्वजनिक गीतमा राजन इशानको एरेन्ज रहेको छ ।  मनमा सजाएको प्रेमीले धोका दिएपनि आफ्नो जीवनको साहसिक यात्रा गर्न रुचाउने एक चेलीको कथालाई नजिकबाट देखाइएको भिडियो सुन्दर नगरी पोखरामा छायांकन गरिएको हो । जसमा गायिका स्वयमसँग ह्याण्डसम मोडल विकास लामिछानेले गज्जबको अभिनय गरेका छन् ।

भिडियोमा स्वरुपासँगै विकास खुलेर प्रश्तुत भएका छन् । सुब्रत आचार्यको कन्सेप्ट तथा निर्देशनमा तयार भएको भिडियो रिलिज गरिएको छोटो समयमा नै राम्रो प्रतिक्रिया आइरहेको गायिका स्वरुपा बताउँछिन् ।

भन्छिन्, ‘आफूले मनमा सजाएको मान्छे बिना पनि जीवन एक संभावना हो भन्ने कुरालाई भिडियोमा देखाउन खोजिएको हो ।’

ओएसआर डिजिटलबाट रिलिज गरिएको भिडियोको छायांकन उत्सव दाहालले गरेका हुन् भने भिडियोको सम्पादन विकास दाहालले गरेका हुन् । जसको क्रियटिभ डाइरेक्टर जया शर्मा हुन् ।

थप समाचारहरु

सकिना महर्जनलाई मिस नेवाः नेपालको उपाधि कलाकार सानु ताम्राकारको निधन चलचित्र छायांकनदेखि प्रदर्शनसम्म डिजिटल प्रविधिको रुपान्तरण थारू भाषाकाे गीत गिन गिन २काे म्युजिक भिडियाे सार्वजनिक टिकटक प्रतिबन्धबारे कलाकार भन्छन् : प्लाटफर्ममा रोक हैन, कन्टेन्ट नियमन गरौं ‘दिमाग खराब’ ले उठाएको मागलाई निर्माता संघले साथ दिने