रोमानिया गएका एक युवक नेपाल फर्किएलगत्तै पक्राउ

२१ साउन, काठमाडौं । वैदेशिक रोजगारीमा रोमानिया गएका एक युवक नेपाल फर्किएलगत्तै पक्राउ परेका छन् । तनहुँको घिरिङ गाउँपालिका १ घर भएका सन्दीप थापा मगरलाई साइबर ब्यूरोले आइतबार त्रिभुवन अन्तर्राष्ट्रिय विमानस्थलबाट पक्राउ गरेको हो ।
रोमानियामा हुँदा उनले एक व्यक्तिको फेसबुक ह्याक गरी श्रीमान–श्रीमतीबीच भएका फोटो आदानप्रदान सेभ गरी नक्कली आइडी खोलेर ब्लाकमेल गरेका थिए । सो अपराधमा उजुरी परेपछि प्रहरीले उनको पहिचान गरी नेपाल आएलगत्तै पक्राउ गरेको हो ।