चर्चामा आउन खरेलले आफूविरुद्ध उजुरी हालेको कुलमानको आरोप

३० साउन, काठमाडौं । नेपाल प्रहरीका पूर्वडिआइजी रमेश खरेलले आफूविरुद्ध गलत मनसायले दुष्प्रचार गरेको भन्दै नेपाल विद्युत् प्राधिकरणका कार्यकारी निर्देशक कुलमान घिसिङले निन्दा गरेका छन् । बुधबार प्रेस विज्ञप्ति प्रकाशन गरी घिसिङले आफूविरुद्ध भ्रामक प्रचार गरेको बताएका छन् ।

घिसिङको विज्ञप्तिमा भनिएको छ,‘उजुरी दर्ता गर्दासाथ त्यसलाई सामाजिक सञ्जालमार्फत सार्वजनिक गर्नुले निज खरेलबाट उक्त उजुरी सार्वजनिक खपत र आफू चर्चामा आउनका लागि मात्र गरेको मेरो ठम्याई छ ।’