बोलेरो दुर्घटना : दुई जनाको मृत्यु १३ घाइते

३१ साउन, सिन्धुली । सिन्धुलीमा बोलेरो दुर्घटना हुँदा दुई जनाको मृत्यु भएको छ । सिन्धुलीको तिनकान्या बाट सदरमुकामतर्फ आउँदै गरेको बलेरो कमलामाई नगरपालिका २ चियावारिमा दुर्घटना भएको हो ।

दुर्घटनामा  परि थप १३ जना घाइते भएको प्रहरी प्रमुख प्रहरी उपरीक्षक एसपी गोविन्द काफ्लेले जानकारी दिएका छन् ।

वा २० च ८२८३ नम्बरको बोलेरो दुर्घटना भएको प्रहरीले जनाएको छ । घाइतेलाई सिन्धुली अस्पताल लगिएको र उनीहरुको नाम सङ्कलन गर्ने कार्य भई रहेको एसपी काफ्लेले जानकारी दिनुभयो । दुर्घटना पछि बिपी राजमार्ग अवरुद्ध भएको छ ।