यसरी बढेको थियो थामे बगाउने थ्याङ्बो हिमताल

काठमाडौं । थ्याङ्बो हिमताल फुट्दा ३२ साउनमा सोलुखुम्बुको थामे गाउँ बगाउने बाढी आएको अन्तर्राष्ट्रिय एकीकृत पर्वतीय विकास केन्द्र (ईसीमोड)ले जनाएको छ । सन् २०१७ मा युरोपियन स्पेस एजेन्सीको स्याटलाइटमार्फत गरेको अध्ययनको हवाला दिँदै ईसीमोडले थामेको माथिल्लो क्षेत्रमा रहेका हिमतालको आकार निरन्तर बढिरहेको बताएको छ ।

ईसीमोडका अनुसार हिउँ पग्लिएर आकार बढिरहेका हिमतालहरू विस्फोटको जोखिममा छन् ।