डोटी बहुमुखी क्याम्पससहित ११ क्याम्पस प्रमुखका लागि आवेदन माग
भदौ १७, काठमाडौं । त्रिभुवन विश्वविद्यालयले ११ आंगिक क्याम्पसमा रिक्त क्याम्पस प्रमुखका लागि आवेदन माग गरेको छ । क्याम्पस प्रमुख छनोट समितिले आज सूचना निकालेर काठमाडौँ उपत्यकाका तीनसहित ११ वटा क्याम्पसका लागि क्याम्पस प्रमुख पदमा आवेदन माग गरेको हो ।
त्रिविले काठमाडौँका रत्न राज्यलक्ष्मी क्याम्पस र विश्वभाषा क्याम्पस, ललितपुरको पाटन संयुक्त क्याम्पस, पोखराको पृथ्वीनारायण क्याम्पस, बुटवलको बुटवल बहुमुखी क्याम्पस, सुर्खेतको शिक्षा क्याम्पसका लागि क्याम्पस प्रमुखको आवेदन माग गरेको हो ।
यसैगरी सिराहाको सूर्यनारायण सत्यनारायण मोरवैता यादव क्याम्पस, जनकपुरको रामस्वरुप रामसागर क्याम्पस, पाल्पाको त्रिभुवन बहुमुखी क्याम्पस, डोटीको डोटी बहुमुखी क्याम्पस र जुम्ला क्याम्पसका लागि पनि आवेदन माग गरेको हो ।
योग्य उम्मेदवारले आउने २४ गतेभित्र आवेदन पठाउन सक्ने सूचनामा उल्लेख छ ।
प्रतिक्रिया दिनुहोस्