न्युक्यासल युनाइटेड कारबाओ कपको क्वार्टरफाइनलमा प्रवेश
१५ कात्तिक, काठमाडौं । न्युक्यासल युनाइटेडले चेल्सीलाई २–० गोलले पराजित गर्दै कारबाओ कपको क्वार्टरफाइनलमा स्थान सुरक्षित गरेको छ । अलेक्जेन्डर इसाकको गोल र एक्सेल डिसासीको आत्मघाती गोलले न्युक्यासलले अन्तिम आठमा स्थान बनाएको हो ।
आइतबार प्रिमियर लिगमा चेल्सीसँग २–१ ले पराजित भएको न्युक्यासलले तीन दिनपछि पुनः चेल्सीसँग स्तब्ध भयो ।
न्युक्यासलले २३ औं मिनेटमा अलेक्जेन्डर इसाकले सान्ड्रो टोनालीको सहयोगमा गोल गर्दै अग्रता लिएको थियो ।
२६ औं मिनेटमा चेल्सीका एक्सेल डिसासीले आत्मघाति गोल गरेपछि न्युक्यासल २–० ले अगाडि बढेको थियो । त्यसपछि निर्धारित समयमा थप गोल नभएपछि न्युक्यासल २–० को जीतका साथ क्वार्टरफाइनलमा पुग्न सफल भयो ।
प्रतिक्रिया दिनुहोस्