क्रिसमस डेका लागि गीत तयार, अभिषेक र विनाले गरे अभिनय

१४ मङ्सिर, काठमाडौं । क्रिसमस डेलाई लक्षित गर्दै नयाँ गीत ‘येशु जन्मिनु भयो’ सार्वजनिक गरिएको छ ।

सार्वजनिक गीतमा शंकर थापा (स्माइल)र अनु चौधरीको स्वर रहेको छ । गीतमा राजु सुन्दास र सुरेन्द्र दियालीको शब्द छन् ।

गीतमा संगीत भर्ने काम भने गायक शंकरले नै गरेका हुन् । भिडिओमा कलाकार अभिषेक श्रेष्ठ र बिना राउतसँगै समाजसेवी तथा कलाकार हन्ना बादीको अभिनय रहेको छ ।

गणेश शाहीले निर्देशन गरेको भिडिओले क्रिसमसलाई उल्लासका साथ मनाउन आग्रह गरेको भाव दिएको छ । भिडिओ खिच्ने काम बिशाल थापाले गरेका हुन् भने सम्पादन बिष्णु खड्काले गरेका हुन् ।