एनपीएलले नेपाली क्रिकेटलाई थप उचाइमा पुर्याउने छ : अध्यक्ष चन्द

काठमाडौं । नेपाल क्रिकेट संघ (क्यान)का  अध्यक्ष चतुरबहादुर चन्दले नेपाल प्रिमियर लिग (एनपीएल)ले नेपाली क्रिकेटलाई थप उचाइमा पुर्याउने बताएका छन् ।

शुक्रबार पत्रकार सम्मेलन गर्दै अध्यक्ष चन्दले क्रिकेटलाई थप उचाइमा पुर्याउन सबैको सहयोगले सम्भव भएको बताएका हुन् ।

उनले भने, ‘शनिबार हाम्रो प्रतिक्षाको दिन हो । नेपाली क्रिकेटले नयाँ युगको सुरुवात गर्ने दिन ३० नोभेम्बर २०२४ । नेपाल प्रिमियर लिग (एनपीएल)मार्फत नेपाली क्रिकेटलाई थप नयाँ उचाइमा पुर्याउने एउटा प्रयास हो । यो सबैको सहयोगले सम्भव भएको छ । टियु क्रिकेट मैदान ९९ प्रतिशत काम क्रिकेट खेल्नको लागि पूरा गरिसकेका छौं ।’

साथै उनले ८ वटै टिमको तयारी राम्रो भएको जानकारी गराए । उनले आज राति पनि फिल्ड अपरेशनको काम पूरा गरेर शनिबारको तयारी हुने बताए ।