विवाहपञ्चमीमा मधेस प्रदेशद्वारा आवासको व्यवस्था

जनकपुर, १८ मङ्सिर । मधेस प्रदेश सरकारले जनकपुरधाममा हुन लागेको विवाहपञ्चमी महोत्सवलाई व्यवस्थित र भव्य बनाउन आवासको व्यवस्था गरेको छ ।

रामजानकी विवाह हुने यही मङ्सिर २१ गतेका दिन जनकपुरधाममा लाखौँको सङ्ख्यामा मेला भर्न आउने श्रद्धालु भक्तजन तथा साधुसन्तका लागि उचित तथा पर्याप्त सुविधा उपलब्ध गराउने गरी प्रदेश सरकारले सहरका विभिन्न ठाउँमा अस्थायी आवासलगायत संरचना निर्माण गरेको छ ।

विवाहपञ्चमी महोत्सवका बेला दर्शनार्थीलाई हुने अप्ठ्यारालाई दृष्टिगत गरी प्रदेशका मुख्यमन्त्री सतिशकुमार सिंहले यसअघि आवश्यक संरचना निर्माण, वैवाहिक विधि तथा प्रक्रियामा सहज सहभागिता र सुरक्षा प्रबन्ध गर्न प्रदेश मातहतका मन्त्रालयलाई निर्देशन दिएका थिए ।

प्रदेश मुख्यमन्त्री तथा मन्त्रिपरिषद् कार्यालयका शाखा अधिकृत श्यामसुन्दर मण्डलका अनुसार प्रदेशको ऊर्जा, सिँचाइ तथा खानेपानी मन्त्रालयबाट सहरका विभिन्न चार ठाउँमा खानेपानी संरचना निर्माण तथा ठाउँठाउँमा सडकबत्ती जडान गरिएका छन् ।

प्रदेश खेलकुद तथा समाज कल्याणमन्त्री प्रमोद जैसवालका अनुसार अयोध्याबाट आउने जन्तीलाई प्रदेश सरकारको मुख्य प्रशासनिक केन्द्र मधेस भवनभित्र मङ्सिर २० गते स्वागत कार्यक्रम राखिएको छ ।

थप समाचारहरु

जनकपुरधाममा विवाह पञ्चमीको साताव्यापी महोत्सव शुरु विवाह पञ्चमीको पहिलो दिन जनकपुरधामको जानकी मन्दिरमा धूमधामका साथ नगर दर्शन मनाइँदै (फाेटाेफिचर) अयोध्यामा श्रीराम तिलकोत्सव माता सीताको अभिभावकको भूमिकामा मधेशका मुख्यमन्त्री सहभागी रामजानकी विवाहपञ्चमी स् अयोध्याबाट जनकपुरधाम आइपुगे जन्ती मानवअधिकार आयोगले भन्यो : सप्तरी घटनाको छानबिन गरी दोषीलाई कारबाही गर कमला नदीमा अनौठो भूत मेला, स्नान गर्ने श्रद्धालुहरुको घुइँचो