एलाइट कप क्रिकेट हुने, चार टिमको सहभागिता रहने

१९ पौष, पर्सा । पर्साको बिरगंजमा हुने एलाइट (जय ट्रफी) कप क्रिकेट प्रतियोगिताको तयारी अन्तिम चरणमा पुगेको छ।नेपाल क्रिकेट संघ (क्यान) को आयोजनामा पुस २१ गतेदेखि दुई दिवसीय राष्ट्रिय क्रिकेट प्रतियोगिता हुन लागेको हो ।

वीरगन्जको नारायणी क्रिकेट मैदान र जनकपुरको रामजानकी अन्तर्राष्ट्रिय क्रिकेट मैदान गरी दुई स्थानमा यो प्रतियोगिता हुने पर्सा क्रिकेट संघका अध्यक्ष मनिष सिंहले जानकारी दिए । उनका अनुसार प्रतियोगिताका लागि नारायणी क्रिकेट मैदानमा पिच निर्माण र मैदानको स्तरोन्नती गरिएको छ ।

क्यान र वीरगन्ज महानगरपालिकाको समन्वयमा पिच निर्माणदेखि मैदानको स्तरोन्नती सम्भव भएको सिंहले बताए। तर दर्शक बस्ने व्यवस्था गर्न नसकिएको उनको गुनासो छ ।मैदानबाहिर बसेर खेलाडीलाई प्रोत्साहन गर्न उनले आग्रह गरेका छन ।

यस प्रतियोगितामा गत वर्ष सम्पन्न प्रधानमन्त्री कप राष्ट्रिय क्रिकेट प्रतियोगिताको शीर्ष चार टोलीलाई सहभागी गराउन लागिएको हो।‘जय ट्रफी मेन्स एलाइट कप’ नामाकरण दिइएको प्रतियोगितामा नेपाल पुलिस क्लब, त्रिभुवन आर्मी क्लब, बागमती प्रदेश र मधेस प्रदेश गरि चार टिमको सहभागिता रहनेछ ।

माघ ३ गतेसम्म उक्त  प्रतियोगिता चल्ने पर्सा क्रिकेट संघले जनाएको छ । क्यानका पूर्वअध्यक्ष स्वर्गीय जयकुमार नाथ शाहको नाममा यो प्रतियोगिता आयोजना गर्न लागिएको आयोजकले जानकारी दिएको छ ।

थप समाचारहरु

एलाइट कप क्रिकेट हुने, चार टिमको सहभागिता रहने जनकपुर बोल्ट्सको‘टाइटल स्पोनसर’ मा डीएनए इन्टरनेश्नल नेपाल जनकपुरका समर्थकमाथि आक्रमण गर्नेलाई कारवाही गर्न जनमत पार्टीको माग काठमाडौंमामधेशी युवाहरुमाथि कुटपिट घटनाप्रति जनकपुरधामका युवाहरु आन्दोलित जनकपुर बोल्टसका खेलाडीलाई जनकपुरमा स्वागत मधेश प्रदेश सरकारले अन्तर्राष्ट्रिय रंगशाला निर्माणका लागि एक अर्ब दिने