धुलिखेल अस्पताल र केयूबीच सहकार्य जारी राख्ने सहमति

४ माघ, काठमाडौं । धुलिखेल अस्पताल र काठमाडौं विश्वविद्यालय (केयू) बीच सहकार्यलाई निरन्तरता दिने सहमति भएको छ । विवाद समाधान गर्न गठित समितिले सहकार्यलाई निरन्तरता दिने र दुई संस्थाले गर्ने काममा थप स्पष्ट पार्ने सहमति जुटेको हो ।

सहकार्यलाई सुदृढ गर्ने सहमति भएको छ । पहिलाको सहमतिमा कसले के गर्ने भन्ने स्पष्टता नभएकाले अब स्पष्ट पारेर अगाडि जानेमा दुबै पक्ष सहमत भएका छन्,’ केयू स्रोतले भन्यो ।

अस्पतालका तर्फबाट विश्वविद्यालयका पूर्वउपकुलपति प्रा.डा. रामकृष्ण मकाजु र डाक्टरहरू डा. विराज कर्माचार्य र डा. राजीव श्रेष्ठ छन् ।

विवाद समाधान समितिका संयोजक अधिकारीले अनलाइनखबरसँग भनिन्, ‘आज प्रतिवेदन पेस गर्छौं, सहमतिका लागि बाटो तय भएको छ ।’

यो समितिले तयार पारेको प्रतिवेदन आज बस्ने केयूको सभामा पेस गरिने छ । प्रधानमन्त्री एवं केयूका कुलपति केपी ओलीको अध्यक्षतामा बस्ने बैठकमा पेस गरेपछि सभाले अनुमोदन गर्ने छ । दुई संस्थाबीचको सहकार्यको थप काम गर्ने विषयमा सभाले निर्णय गर्ने छ ।

२०५९ सालदेखि दुई संस्थाबीच सहकार्य भएको थियो । तर पछिल्लो समय असमझदारी बढेपछि छुट्टिनेसम्मको स्थितिमा दुई संस्था पुगेका थिए ।