सहिद दिवसको अवसरमा विपन्न परिवारलाई राहत सामाग्री वितरण

रामेछाप । सहिद दिवसको अवसरमा रामेछापका ५२ विपन्न घर परिवारलाई राहत सामाग्री वितरण गरिएको छ ।
रामेछाप नगरपालिका ६, ७, ८ र ९ का विपन्न घर परिवारलाई राहत सामाग्री वितरण गरिएको हो ।
मारवाडी सेवा समिति, मारवाडी युवा मञ्चले उपलब्ध गराएको ती सामाग्रीहरू नेकपा एमाले रामेछाप नगरपालिका कमिटीले रामेछापको पुष्पलाल स्मृति पार्कमा एक कार्यक्रम आयोजना गरी वितरण गरेको नेकपा एमाले रामेछाप नगरपालिका कमिटी सचिव माधव ढकालले जानकारी दिए ।
एमाले जिल्ला कमिटी सदस्य नरेशबाबु श्रेष्ठले काठमाडौंबाट ल्याई वितरण गरिएका सामानहरूमा फाइबर सिरक, म्याट, बाल्टी, जग, चिउरा, चामल, दाल, तेल, नुन, दालमोठ, चाउचाउ, साबुन, सिटामोल लगायतका औषधी सहित रहेका ढकालले बताए । वडाबाट छनोट गरिएका विपन्नलाई ती सामाग्री प्रदान गरिएको हो ।

थप समाचारहरु

मुग्लिन-पोखरा सडक आजदेखि २० दिनसम्म दैनिक साढे ४ घण्टा बन्द नेपाललाई विपद् तथा जलवायु परिवर्तन उत्थानशील राष्ट्र बनाउनुपर्नेमा जोड सिजी मोटर्सले ल्यायो ‘इस्टेट अफ द आर्ट सर्भिस सेन्टर’ राहदानीको काम आंशिक सुचारु, प्राविधिक टोलीले काम गरिरहेको दाबी उपनिर्वाचन हुने स्थानीय तहमा सार्वजनिक बिदा दिन आयोगको निर्देशन काठमाडौंका यी स्थानमा आज बिजुली कटौती हुने