ओलीको के खुस्कियो बुझ्न बाँकी छ : सांसद् सापकोटा

२७ माघ, काठमाडौं ।  नेकपा माओवादी केन्द्रका सांसद् माधव सापकोटाले  सरकारले  ल्याएको  अध्यादेश ‘खाउँ भने कसको अनुहार, नखाउँ भने दिनभरिको शिकार’भनेको जस्तो  भएको बताएका छन् ।

आइतबार प्रतिनिधिसभाको बैठकपछि सञ्चारकर्मीहरुसँग कुरा गर्दै उनले अहिलेको प्रधानमन्त्री प्राविधिक रुपमा जोड घटाउ, हिसावकिताब अलि गर्न नजान्ने भाष्य नै सिर्जना गरिसकेको बताएका हुन् ।

उनले प्रधानमन्त्री मादल बजाउने, गितार बजाउने, सोसल साइडहरु पनि आफैंले ह्यान्डल गर्ने विपक्षी दलको नेताको मनतव्य सुन्न छाडेर टिकटकरहरुसँग गफ गरेर बस्ने गरेको आरोप लगाउँदै ‘ओलीको के खुस्कियो’अब यो बुझ्न बाँकी रहेको बताए ।

उनले भने, ‘अध्यादेश त एउटा नेपाली उखान छ नि अब खाउँ भने कसको अनुहार, नखाउ भने दिनभरिको शिकार भनेकोजस्तो भएको छ सरकारलाई । अहिलेका प्रधानमन्त्री अलि यो  प्राविधिक रुपमा जोडघटाउ, हिसावकिताब अलि गर्न नजान्ने  भाष्य नै सिर्जना भइसकेको छ । कहिले  आफैं  प्रधानमन्त्री मादल बजाउने, गितार बजाउने, सोसल साइडहरु पनि आफैंले ह्यान्डल गर्ने, विपक्षी दलको नेताको मनतव्य सुन्न छोडेर टिकटकरहरुसँग गफ गरेर बस्ने अलि प्राविधिक टाइपको हो उहाँ तर यसपाली के खुस्कियो अब यो बुझ्न बाँकी छ ।’

साथै उनले यो सरकारले ल्याएको अध्यादेश घाँडो भएको बताए । उनले सकेसम्म प्रतिपक्षले यो अध्यादेश अस्वीकृत गर्ने बताए ।

थप समाचारहरु

‘१८ महिनापछि देउवा प्रधानमन्त्री, ०८४ सम्म यही समीकरण टिक्छ’ स्वास्थ्य सेवा ऐन ल्याउने तयारी रवि लामिछानेलाई आज म्याद थपका लागि अदालतमा पेश गरिँदै काठमाडौं उपत्यकको फोहोर व्यवस्थापनमा राजनीति नगरौं : मन्त्री सिंह पिजीको विवाद मिलाउन प्रधानमन्त्रीको निर्देशन नेपालले शान्ति स्थापनामा हासिल गरेको उपलब्धि अनुकरणीय छः सभामुख