रासस अध्यक्ष झाद्वारा रेल्वे स्टेसनको निरीक्षण

जनकपुर, २१ फागुन, राष्ट्रिय समाचार समिति रासस का कार्यकारी अध्यक्ष धर्मेन्द्र झाले आज जनकपुर धामस्थित रेल्वे स्टेसन तथा नेपाल रेल्वे कम्पनीको भ्रमण तथा निरीक्षण गरेका छन् ।

एक कार्यक्रममा सहभागी हुन जनकपुरधाम आइपुगेका अध्यक्ष झाले आज बिहान जनकपुर धामस्थित रेल्वे स्टेसन तथा नेपाल रेल्वे कम्पनी र कार्यालयको भ्रमण तथा निरीक्षण गर्दै कुर्था–जनकपुर–जयनगर रेल सेवा बारे कर्मचारीसँग छलफल पनि गरे ।

छलफलका क्रममा उन्ले लामो समयको प्रतीक्षा पछि नेपालमा रेल सेवा सञ्चालन हुनु नेपालीका लागि गौरवको विषय भएको बताए । मुलुकमा भएको राजनीतिक परिवर्तन पश्चात् भौतिक पूर्वाधारका क्षेत्रमा विकास र प्रगति भएको प्रसङ्ग उल्लेख गर्दै उनले रेल सेवा सञ्चालन हुनु यसैको उदाहरण भएको धारणा राखे ।

राससले हालै प्रकाशन गरेको राससको फोटो किताब, गणतन्त्रको १६ वर्षे उपलब्धि पुस्तकमा नेपाली रेल र रेल्वे स्टेसनको फोटोसमेत समावेश गरिएको जानकारी दिँदै अध्यक्ष झाले नेपाली रेल्वे सेवाका अधिकांश सूचना तथा समाचारलाई राससले प्राथमिकता दिइरहेको बताए । नेपाल रेल्वे कम्पनीका कर्मचारीहरूले उनलाई कार्यालय परिसरमा स्वागत गरेका थिए ।

थप समाचारहरु

सरकार ढाल्ने खेलमा लाग्दैनौं, ०८४ मा बहुमत ल्याउँछौं : केपी ओली पूर्व कानूनमन्त्री लिलानाथ श्रेष्ठकै घरमा बाल्यकाल तुहाउने गरि बालश्रम शोषण उद्योगी व्यवसायीका समस्याप्रति मधेश सरकार गम्भीर छ : मुख्यमन्त्री सिंह मधेशका मुख्यमन्त्री सिंहले गरे सबै ८ राज्यमन्त्री बर्खास्त मधेश प्रदेशका मुख्यमन्त्री सिंह र मन्त्रीहरूबीच कार्यसम्पादन सम्झौता मैथिली विकास कोषको निर्माणाधीन भवनको मुख्यमन्त्री सिँहद्वारा निरीक्षण