काँग्रेसका जनप्रतिधिको राम्रा कामको प्रचारगर्न महामन्त्री थापाको निर्देशन

इटहरी । नेपाली काँग्रेस महामन्त्री गगन थापाले जनतप्रतिनिधिले गरेका राम्रा कामको प्रचारगर्न कार्यकर्तालाई निर्देशन दिएका छन् ।

सुनसरीको इनरुवामा आयोजीत प्रशिक्षण कार्यक्रमलाई सम्बोधन गर्दै उनले काम मात्र गरेर नहुने र प्रचारपनि ध्यान दिनुपर्ने बताए ।

थप स्पष्ट पार्दै उनले भने, ‘ठिक ढंंगले प्रचार गर्न सकिएन भने कामको बारेमा जनताले थाहाँ पाउँदैनन् । त्यसको घाटा पार्टीलाई पर्ने भएकाले प्रचारमा ध्यानदिनुपर्छ । जनप्रतिनिधिले आफ्नो क्षमता र बाध्यताको बारेमा पार्टीमा संवाद गर्न जरुरी छ । संवाद र छलफलले मात्र संगठन मजबुत हुन्छ ।’

संविधान भित्र रहेर जनताको अपेक्षा पुरागर्न सकिने बताउँदै उनले सुशासनको प्रत्याभुति दिलाउन सरकार अग्रसर हुनेपर्ने धारणा राखे । काँग्रेसकै कारण संघियता र गणतन्त्र आएको स्मरण गराउँदै गणतन्त्रको पक्षमा बोल्दा आफुले राजद्रोहको मुद्धा लागेको अनुभव सुनाए ।

काँग्रेस गणतन्त्र र संघियताप्रति एक इन्चपनि दायाँबायाँ नहुने थापाले बताएका छन् । महामन्त्री थापाले भने, ‘नेपाली काँग्रेस विभाजन हुँदा नेपाली काँग्रेस र काँग्रेस प्रजातान्त्रीक दुई पार्टी भयो । गिरिजा प्रसाद कोइराला नेतृत्वको नेपाली काँग्रेसले काठमाण्डौमा मात्र विकास भयो अब विकेन्द्रीकरणमा जानुपर्ने भन्दै प्रदेशको अवधारणा विकास गर्यो । शेरबहादुर देउवा नेतृत्वको काँग्रेस प्रजातान्त्रीकले नेपाललाई संघियतामा लैजाने निर्णय गरेको हो । त्यसैले संघियता काँग्रेसको अवधारणा हो । यो सहि ढंगले चलेको छैन तर चलाउन सकिन्छ । त्यसमा काँग्रेस दृढ संकल्पीत छ ।’

थप समाचारहरु

न्याय सम्पादनमा राजनीतिक स्वार्थ देखिनहुन्नः मुख्यमन्त्री कार्की कोशी प्रदेशमा ‘गणेश काज’ को बिगबिगी : भ्रमण भत्तामा मनपरी कोशी प्रदेशको निजामती सेवा ऐनको संशोधन विधेयक पारित पूर्वमन्त्री अधिकारीलाई दुई दिन हिरासतमा राख्न अदालतको अनुमति जसपा नेपालको कोशी प्रदेशस्तरीय महिला, युवा र विद्यार्थी संगठन पुनर्गठन मोरङको ग्रामथान गाउँपालिकाको अध्यक्षमा माओवादीका माझी विजयी