ओलीले देउवालाई ‘विपक्षी दलको नेता’ भनेपछि…

१२ चैत, काठमाडौं । मंगलबार दिउँसो प्रधानमन्त्री केपी शर्मा ओली र सत्तारुढ दल नेपाली कांग्रेसका सभापति शेरबहादुर देउवा एउटै कार्यक्रममा देखिए ।

कांग्रेस नेतृ सुजाता कोइरालाद्वारा लिखित ‘म र मेरो सानोबुवा’ नामक आत्मकथा लोकार्पण कार्यक्रमलाई सम्बोधन गर्न उनीहरू एउटै मञ्चमा पुगेका थिए ।

प्रधानमन्त्री ओलीले सम्बोधन गर्नुअघि सभापति देउवाले बोलेका थिए ।

देउवापछि सम्बोधनका लागि पोडियम अघि पुगेका प्रधानमन्त्री ओलीले सत्ता सहयात्री, शेरबहादुर देउवालाई ‘विपक्षी दलका नेता’ भनिदिए ।

प्रधानमन्त्री ओली तुरुन्तै आफ्नो गल्ती सच्याइहाले ।

‘विपक्षी दलका नेता, (हाँस्दै) संसद्मा,’ प्रधानमन्त्री ओलीले भने ।

लगत्तै ओलीले अघि भने, ‘अहिले विपक्षी दलका होइन, हामी त सरकारमा पो छौं त है र ?’

हलमा हाँसो गुन्जियो । त्यसपछि प्रधानमन्त्री ओलीले भनेका छन्, ‘नेपाली कांग्रेसका सभापतिजी शेरबहादुर देउवाजी…।’

थप समाचारहरु

अन्नपूर्ण क्षेत्रलाई केन्द्रविन्दू बनाएर भूकम्प प्रादेशिक र स्थानीय सडक सुधार परियोजना समयमै सम्पन्न गर्नुपर्ने मेडिकल कलेज तथा सरकारी अस्पताललाई शुल्क विवरण सार्वजनिक गर्न स्वास्थ्य मन्त्रालयको परिपत्र, ‘१८ महिनापछि देउवा प्रधानमन्त्री, ०८४ सम्म यही समीकरण टिक्छ’ स्वास्थ्य सेवा ऐन ल्याउने तयारी कृषि विकास बैंकले किसानलाई केन्द्रमा राखेर काम गर्नुपर्छ : उपप्रधान तथा मन्त्री सिंह