कुलमान घिसिङलाई हटाउने निर्णयप्रति स्थानीय युवाहरुको विरोध

ललितपुर । नेपाल विद्युत् प्राधिकरणका कार्यकारी निर्देशक कुलमान घिसिङलाई बर्खास्त गरेको निर्णयप्रति असन्तुष्टि जनाउँदै ललितपुरमा स्थानीय युवाहरुले विरोध प्रदर्शन गरेको छ ।

बुधबार लगनखेलमा उज्यालोका नायक कुलमान घिसिङ बर्खास्त गर्ने सरकारको गलत निर्णय विरुद्ध विरोध प्रदर्शन लेखिएको व्यानरमा युवाहरुले प्रदर्शन गरेका हुन् ।

विरोध प्रदर्शनमा पुगेका राष्ट्रिय स्वतन्त्र पार्टीका ललितपुर जिल्ला सभापति बुद्धरत्न महर्जनले मेहेनती, इमान्दार मानिसलाई सधैँ साथ दिन हरसमय तत्पर रहने बताए ।

उनले भने, ‘स्वतस्फुर्त रुपमा हामीले यो कार्यक्रमलाई सम्बोधन गर्दै अगाडि बढेका छौ । पहिलो चरणमा शान्तिपुर्ण आन्दोलनबाट सुरु गरेका छौ । सरकारले सुनेन भने सशक्त रुपमा आन्दोलनमा जान तयार छौ । जो मान्छे इमान्दार छ त्यसलाई हामी साथ दिन हरसमयमा तत्पर छौ ।’

विरोध प्रदर्शनमा उज्यालोका नायक कुलमान घिसिङ जिन्दाबाद, सालो निदेर्शक साली राजदूत, समृद्ध ओली र खुशी ससुराली, भ्रष्ट्र सरकार मुर्दावाद, बिचौलिया सरकार मुर्दावाद जस्ता नारा लगाइएको थियो ।

थप समाचारहरु

परराष्ट्रमन्त्री एनपी साउद अमेरिका प्रस्थान टिकटक प्रतिबन्ध सम्बन्धी रिटमा सर्वोच्चमा आज सुनुवाइ नहुने सर्वोच्चले माग्यो टीकापुर घटनाका ३ दोषीलाई रिहा गर्नुको कारण अध्यक्ष तिमिल्सिनासहित सातै प्रदेशका सभामुख–उपसभामुख अस्ट्रेलिया भ्रमणमा पूर्वगृहमन्त्री खाँणको निवेदन न्यायाधीश कोइरालाको इजलासमा चितवन राष्ट्रिय निकुञ्जमा वन्यजन्तु बढ्दै, घाँसे मैदान घट्दै