नेपाली लेखक सङ्घको आठौँ राष्ट्रिय अधिवेशनमा मतदान सम्पन्न

लुम्बिनी मर्चवार, १७ चैत । नेपाली लेखक सङ्घको आठौँ राष्ट्रिय अधिवेशनअन्तर्गत अध्यक्ष, सहअध्यक्ष र महासचिव पदका लागि आज मतदान सम्पन्न भएको छ ।

मतदान प्रक्रिया बिहान १० बजे सुरु भई १२ बजे सम्पन्न भएको हो । निर्वाचन समितिले केहीबेरमा मतगणना सुरू गर्ने तयारी गरेको जनाएको छ ।

नेतृत्व चयनका लागि देशभरबाट लुम्बिनी पुगेका १८२ प्रतिनिधिमध्ये १७६ जनाले मतदान गर्नुभएको निर्वाचन समितिले जनाएको छ ।

निर्वाचन संयोजक धर्मेन्द्र नेम्वाङका अनुसार अध्यक्ष पदका लागि डा रत्नमणि नेपाल र वियोगी बुढाथोकी प्रतिस्पर्धामा छन् । सहअध्यक्षमा डा शैलेन्दुप्रकाश नेपाल, मनोज न्यौपाने र सन्ध्या पहाणीबीच प्रतिस्पर्धा हुँदैछ । महासचिव पदमा प्रकाश बिमिल र सोझो गाउँलेबीच प्रतिष्पर्धा हुँदैछ ।

यसअघि महासचिव पदमा उम्मेदवारी दिएका नवीनचन्द्र घिमिरेले उम्मेदवारी फिर्ता लिएका छन् भने उपमहासचिव पदका उम्मेदवार सरस्वती तिमिल्सेनाले उम्मेदवारी आज बिहान फिर्ता लिएपछि नारायण सापकोटा उपमहासचिव पदमा निर्विरोध निर्वाचित भएका छन् ।

निर्वाचन समितिका अनुसार अधिवेशनमा कुल ३९ पदका लागि ४६ जनाले उम्मेदवारी दिएका थिए । तीमध्ये छ जना उपाध्यक्ष, एक जना कोषाध्यक्ष, चार जना सचिव र २४ जना सदस्य पदमा एकल उम्मेदवारी दर्ता भएकाले उहाँहरू स्वतः निर्विरोध निर्वाचित भएका छन् ।

थप समाचारहरु

संरक्षणको पर्खाइमा दाङको ‘नमूना थारूग्राम’ तिलौराकोट विश्व सम्पदा सूचीमा सूचीकृत हुने अन्तिम चरणमा : मन्त्री किराती गौतमबुद्ध विमानस्थलबाट अन्तर्राष्ट्रिय उडानका लागि भैरहवाका व्यवसायीले मागे देउवासँग सहयोग देशभरि गर्मी बढ्यो, भैरहवाको तापक्रम ४३.६ डिग्री अर्घाखाँचीका किसानलाई कफीखेती तालिम बाँकेको फत्तेपुरका एक सय २६ घरमा स्वच्छ पेयजलको सुविधा