कञ्चनजङ्घा आरोहणको ७० वर्ष : हीरक महोत्सवको तयारी

काठमाडौं । विश्वको तेस्रो तथा नेपालको दोस्रो अग्लो हिमाल कञ्चनजङ्घा आरोहणको ७० वर्ष पुगेको अवसरमा हीरक महोत्सव मनाइने भएको छ ।

आइतबार काठमाडौंमा पत्रकार सम्मेलनको आयोजना गरी कञ्चनजङ्घा संरक्षण क्षेत्र व्यवस्थापन परिषद्को आयोजनामा कञ्चनजङ्घा आरोहणको ७० औं वार्षिक उत्सव अर्थात् हीरक महोत्सव मनाउन लागिएको जानकारी दिएको हो ।

परिषद्ले सदरमुकाम फुङ्लिङमा २०८२ साल वैशाख ५ देखि ७ गतेसम्म तीन दिन कञ्चनजङ्घा हीरक महोत्सव मनाइने जानकारी दिएको हो ।

कञ्चनजङ्घा हीरक महोत्सव परिषद्को मुख्य कार्यालय रहेको फक्ताङ्लुङ गाउँपालिका–६ लेलेपमा आयोजना गरिनेछ ।

कञ्चनजङ्घा संरक्षण क्षेत्रमा रहेका पर्यटकीय स्थलहरुको प्रचारप्रसार गरी पर्यटन विकास र प्रवर्धन गर्ने उद्देश्यले हीरक महोत्सव आयोजना गर्न लागिएको परिषद्ले जनाएको हो ।

परिषद्का अनुसार महोत्सवमा कञ्चनजङ्घा संरक्षण क्षेत्र भ्रमणका लागि पदयात्रा गर्न आह्वान गर्ने, यहाँँको पर्यटकीय गन्तव्य तथा स्थलको फोटो प्रदर्शनी, स्थानीय समुदायको संस्कार र संस्कृति झल्कने सांस्कृतिक कार्यक्रम, स्थानीय उत्पादनको प्रवद्र्धन र प्रचार, खाद्य परिकारको प्रदर्शनीजस्ता गतिविधि हुनेछन् । यस्तै खुला पुरुष भलिबल प्रतियोगिता पनि सञ्चालन गरिने छ ।

पर्वतारोहण गतिविधिलाई थप व्यवस्थित र सुव्यवस्थित गर्न पदयात्रा र पर्वतारोहणमा नयाँ प्रविधि, सुरक्षा उपाय, पर्यावरण मैत्री अभ्यास, पर्वतीय खेलकुद, आरोहण अनुमति, शुल्क र अन्य क्षेत्रमा नेपाल सरकार, पर्वतारोहण संघहरू र स्थानीय सरोकारवालाहरूबीच छलफल गर्न सहजीकरण गर्ने पनि परिषद्ले जानकारी दिएको छ ।

कञ्चनजङ्घाको पहिलो आरोहणको ऐतिहासिक ७० औँ वार्षिकोत्सव बैशाख ११ गते अलफ्ट होटल काठमाडौंमा मनाइनेछ । कार्यक्रममा सरकारी नेता, अन्तर्राष्ट्रिय संस्था, पर्वतारोही, सञ्चारमाध्यम र निजी क्षेत्रको सहभागिता रहनेछ ।

थप समाचारहरु

अन्नपूर्ण क्षेत्रलाई केन्द्रविन्दू बनाएर भूकम्प प्रादेशिक र स्थानीय सडक सुधार परियोजना समयमै सम्पन्न गर्नुपर्ने मेडिकल कलेज तथा सरकारी अस्पताललाई शुल्क विवरण सार्वजनिक गर्न स्वास्थ्य मन्त्रालयको परिपत्र, ‘१८ महिनापछि देउवा प्रधानमन्त्री, ०८४ सम्म यही समीकरण टिक्छ’ स्वास्थ्य सेवा ऐन ल्याउने तयारी कृषि विकास बैंकले किसानलाई केन्द्रमा राखेर काम गर्नुपर्छ : उपप्रधान तथा मन्त्री सिंह