समृद्धि हाम्रै पालामा सम्भव छ : कृष्णप्रसाद सिलवाल

रामेछाप । वाग्मती प्रदेशका वन तथा वातावरणमन्त्री कृष्णप्रसाद सिलवालले वाग्मती प्रदेश सरकाले अब फरक ढंगले काम गर्ने बताएका छन् ।

आइतबार नेकपा एमाले रामेछापको चौथो विस्तारित बैठकमा बोल्दै सिलवालले प्रदेश सरकारले नागरिकका समस्या समाधान गर्नेगरी काम गर्ने प्रतिबद्धता व्यक्त गरेका हुन् । ‘आवश्यकताको आधारमा योजना लिएर आउन्, प्रदेश सरकारले यथोचित सम्बोधन गर्छ’, उनले भने ।

अहिले पनि केन्द्र र प्रदेश सरकारले काम गरिरहेको बताउँदै सिलवालले केही भएको छैन, केही हुँदैन भनी फिँजाइएको भ्रम चिर्न आवश्यक रहेको बताए । राजतन्त्र र गणतन्त्रको बेलामा भएको काम तुलना गरेर हेर्न पनि उनले आग्रह गरे ।

उनले प्रधानमन्त्री केपी शर्मा ओलीको समृद्ध नेपाल, सुखी नेपालीको परिकल्पनामा शङ्का नगर्न आग्रह गरे । ‘नेपालको राजनीतिमा केपी ओलीको योगदान तीन पुस्ता पछिले पनि सम्झने छ’, उनले भने ।

केही मानिसले युरोप र अमेरिकाको कुरा मोबाइलमा हेरेर राजनीतिक दललाई गाली गरिरहेका बताउँदै उनले त्यसको लागि समय लाग्ने स्पष्ट पारे ।

‘एकै पटक सबै अभिलासा पुरा हुँदैन, समय लाग्छ तर हाम्रै पालामा समृद्धि आउँछ, समृद्धि सम्भव छ, हाम्रा छोरा नातीले सुन्दर देशमा बसेर विश्वलाई देशमा आउन आमन्त्रण गर्न सक्छन्’, उनले भने ।

थप समाचारहरु

अन्नपूर्ण क्षेत्रलाई केन्द्रविन्दू बनाएर भूकम्प प्रादेशिक र स्थानीय सडक सुधार परियोजना समयमै सम्पन्न गर्नुपर्ने मेडिकल कलेज तथा सरकारी अस्पताललाई शुल्क विवरण सार्वजनिक गर्न स्वास्थ्य मन्त्रालयको परिपत्र, ‘१८ महिनापछि देउवा प्रधानमन्त्री, ०८४ सम्म यही समीकरण टिक्छ’ स्वास्थ्य सेवा ऐन ल्याउने तयारी कृषि विकास बैंकले किसानलाई केन्द्रमा राखेर काम गर्नुपर्छ : उपप्रधान तथा मन्त्री सिंह