पत्रकार हत्या र सञ्चारमाध्यम तोडफोड गर्नेलाई कारबाहीको माग

रामेछाप । राजावादीका नाममा पत्रकारको हत्या गर्ने तथा सञ्चारमाध्यम माथि आक्रमण गर्नेलाई कारबाहीको माग गर्दै नेपाल पत्रकार महासंघ रामेछापले स्थानीय प्रशासनमार्फत सरकारलाई ध्यानाकर्षण पत्र बुझाएको छ ।

मंलबार जिल्ला प्रशासन कार्यालयमा गइ प्रमुख जिल्ला अधिकारी राजुप्रसाद पौडेललाई पत्रकारहरूले ज्ञापनपत्र बझाएका हुन् ।

ज्ञापनपत्रमा पत्रकार सुरेश रजकका हत्यारालाई कारबाही गर्नुपर्ने, सञ्चार माध्यममा क्षति पु¥याउनेलाई कारबाही गरी क्षतिपूर्ति दिनुपर्ने, पत्रकारको सुरक्षा ग्यारेन्टी गर्नुपर्ने माग गरिएको छ ।

सरकारले ७ दिनभित्र घटनाका दोषीलाई कारबाहीको दायरामा ल्याउने विश्वास महासंघले व्यक्त गरेको छ । अन्यथा सरकार विरुद्ध आन्दोलनका कार्यक्रम ल्याउन चेतावनी दिएको छ ।

ज्ञापनपत्र बुझाउन महासंघका केन्द्रीय सदस्य नवराज पथिक, जिल्ला अध्यक्ष दीपक घिमिरे लगायतका महासंघका पदाधिकारी, सदस्यहरू लगायत गएका थिए ।

ज्ञापनपत्र बुझ्दै प्रमुख जिल्ला अधिकारी राजुप्रसाद पौडेले काठमाडौँका चैत १५ गते भएको घटना अति दुखद घटना भएको बताउँदै घटनामा संलग्नलाई सरकारले कारबाहीको दायरामा ल्याउने विश्वास दिलाए ।

थप समाचारहरु

अन्नपूर्ण क्षेत्रलाई केन्द्रविन्दू बनाएर भूकम्प प्रादेशिक र स्थानीय सडक सुधार परियोजना समयमै सम्पन्न गर्नुपर्ने मेडिकल कलेज तथा सरकारी अस्पताललाई शुल्क विवरण सार्वजनिक गर्न स्वास्थ्य मन्त्रालयको परिपत्र, ‘१८ महिनापछि देउवा प्रधानमन्त्री, ०८४ सम्म यही समीकरण टिक्छ’ स्वास्थ्य सेवा ऐन ल्याउने तयारी कृषि विकास बैंकले किसानलाई केन्द्रमा राखेर काम गर्नुपर्छ : उपप्रधान तथा मन्त्री सिंह