सहकारीलाई व्यवस्थित गर्नुपर्ने सरोकारवालाको धारणा

रामेछाप । ६८ औँ सहकारी दिवसको अवसरमा रामेछापमा विविध कार्यक्रमहरु गरिएका छन् ।
मन्थली नगरपालिकाको आर्थिक सहयोग तथा विभिन्न सहकारी संघहरुको आयोजनामा कार्यक्रम भएको हो ।

कार्यक्रम अन्तर्गत बिहान मन्थली बजारमा ¥याली आयोजना गरिएको थियो । ¥याली पछि आयोजित कार्यक्रम मन्थली नगरपालिका उपप्रमुख ईश्वरी बस्नेतले सहकारी संस्थाहरू मापदण्ड अनुसार चल्नुपर्ने बताइन् ।

उनले मापदण्डमा चलेका सहकारी र सहकारीबाट लिएको ऋण ठिक ठाउँमा परिचालन गर्नेहरू कुनै समस्यामा नपरेका बताउँदै बस्नेतले सहकारी मापदण्ड अनुसार चल्नुपर्ने र ऋण लिने पनि सही काममा त्यसको प्रयोग गर्नुपर्ने बताइन् ।

कार्यक्रममा जिल्ला सहकारी संघका अध्यक्ष हिमाल ढुङ्गेलले नेपालमा सबैभन्दा ठूलो नागरिक सञ्जाल भएको सहकारी क्षेत्र अहिले गम्भीर संकटमा परेको बताए । सहकारीहरू बिस्तारै अप्ठेरोमा पर्दै गएकाले यसमा लाग्नेले सचेतता पूर्वक काम गर्नुपर्ने उनको धारणा छ ।

रामेछाप बचत तथा ऋण सहकारी संस्थाका लिमिटेडका अध्यक्ष जगन्नाथ दाहालले सहकारीको नाममा पैसा जम्मा गर्ने र जथाभाबी ऋण लगानी गर्नेहरूका कारण सहकारी क्षेत्र संकटमा परेको बताए ।

अब सहकारीलाई व्यवस्थित गरेर लानुको विकल्प नभएको उनले धारणा राखे । कार्यक्रममा विभिन्न सहकारी संघका अध्यक्षहरूले पनि धारणा राखेका थिए ।

थप समाचारहरु

तीन महिनामै १७.५ प्रतिशत बढ्यो सेयर कर्जा कृषि विकास बैंकले किसानलाई केन्द्रमा राखेर काम गर्नुपर्छ : उपप्रधान तथा मन्त्री सिंह सिटिजन बैंकका ग्राहकलाई इजी डेन्टलमा विशेष सुविधा डिजिटल भुक्तानीमा नेपालको फड्को : क्यूआर कोडप्रति बढ्दो आकर्षण मौद्रिक नीतिको पहिलो त्रैमासिक समीक्षा : मुद्रास्फीति र व्यापार घाटामा सुधार राष्ट्र बैंकद्वारा ५० करोडको निक्षेप संकलनका लागि आवेदन आब्हान