एकीकृत समाजवादीको सुदूरपश्चिम अध्यक्षमा खड्का

कञ्चनपुर, २० चैत । नेपाल कम्युनिष्ट पार्टी एकीकृत समाजवादीको सुदूरपश्चिम प्रदेश कमिटी अध्यक्षमा लालबहादुर खड्का सर्वसम्मत रुपमा चयन भएका छन् ।

धनगढीमा सम्पन्न पार्टीको प्रथम सुदूरपश्चिम प्रदेशको अधिवेशनबाट मङ्गलबार खड्का अध्यक्ष पदमा चयन भएका हुन् । अध्यक्ष खड्काका अनुसार उपाध्यक्षमा धनबहादुर बोहरा र शिवबहादुर कँुवर, सचिवमा सुरेन्द्रमान कार्की, उपसचिवमा गणेश साउद, राधिका अवस्थी र गोरख सार्की चयन भएका छन् । प्रदेश कमिटी एक सय ३१ सदस्यीय रहेको छ ।

अध्यक्ष खड्काले पार्टी सङ्गठन सुदृढ गर्ने कार्यसँगै सङ्गठन विस्तारको कार्यलाई तीव्रता दिइने बताए । पार्टीको प्रदेश अधिवेशन यही चैत १७ गतेदेखि सुरु भएको थियो । अधिवेशनका प्रमुख अतिथि पार्टीका केन्द्रीय अध्यक्ष माधवकुमार नेपाल रहेका थिए ।

थप समाचारहरु

देशमा विधिको शासन कायम गर्न सरकार लागि परेको छ : गृहमन्त्री ‘मन्त्री हेरफेर हुँदैन, डेढ बर्षपछि देउवा प्रधानमन्त्री’ सरकारलाई असफल हुने छुट छैन ‘सुदूरपश्चिमको विकासका लागि साझा सङ्कल्प र प्रयास आवश्यक’ राष्ट्रको सिमाना रक्षा गर्न सरकार संवेदनशील छः गृहमन्त्री ‘लागूऔषध सेवन, आत्महत्या र सडक दुर्घटना चुनौतीपूर्ण’