बजार अनुगमन तीव्रः सात फर्म कारबाहीमा

काठमाडौँ, २० चैत । वाणिज्य, आपूर्ति तथा उपभोक्ता संरक्षण विभागले बजार अनुगमनलाई तीव्रता दिएको छ । अनुगमनका क्रममा विभागले सात वटा फर्मलाई कागजातसहित विभागमा उपस्थित हुन निर्देशन दिएको छ ।

विभागद्वारा गरिएको अनुगमनका क्रममा उपभोक्ता संरक्षण ऐन, २०७५ तथा उपभोक्ता संरक्षण नियमावली, २०७६ को उल्लङ्घन गरेको पाइएपछि विभागले सम्बन्धित व्यवसायीलाई आवश्यक निर्देशन तथा कारबाही गर्नुका साथै एउटा फर्मको बिक्री रोक्कासहित सात वटा फर्मलाई कागजातसहित विभागमा उपस्थित हुन निर्देशन दिएको हो ।

अनुगमनका क्रममा स्पार्क अटो केयर प्रालि काठमाडौँ महानगरपालिका–८ को बिक्री वितरण रोक्का गर्दै सम्बन्धित कागजातसहित विभागमा उपस्थित हुन निर्देशन दिइएको छ ।

यसैगरी गौरङ्ग सारिज प्रालि काठमाडौँ–३१, सिजी मोटर्स प्रालि ललितपुर महानगरपालिका–२०, एसियन बिस्कुट एण्ड कन्फेक्सनरी प्रालि विराटनगर महानगरपालिका–९०, सिजन आइटी काठमाडौँ–२२, अर्बन गेअर्स काठमाडौँ–३१, गाभिनो फेशन वेयर काठमाडौँ–३१ लाई कागजातसहित विभागमा उपस्थित हुन निर्देशन दिएको छ ।

विभागले उपभोक्ताको हक र हित संरक्षण गर्दै बजारलाई स्वच्छ र प्रतिस्पर्धी बनाउने उद्देश्यले निरन्तर अनुगमन तथा आवश्यक कारबाही गर्ने जनाएको छ । उपभोक्ता अधिकार सुनिश्चित गर्न व्यवसायले कानुनी प्रावधान पूर्ण रूपमा पालना गर्नुपर्ने तथा आजदेखि सबै सामग्रीमा अधिकतम खुद्रा मूल्य एमआरपी अनिवार्य गरिएको विभागका महानिर्देशक कुमार दहालले बताए ।

उनले भने, “जोखेर वा नापेर बिक्री गर्नेबाहेकका सबै सामग्रीमा एमआरपी अनिवार्य गरेका छौँ, जसले गर्दा स्वच्छ तथा पारदर्शी बजार हुनेछ, सानो सामग्रीदेखि ठूला गाडी सबैमा एमआरपी उल्लेख हुनुपर्ने छ ।”

थप समाचारहरु

जग्गा तथा आवासको विषयलाई व्यवसायको अर्थमा मात्र नबुझौं : अर्थमन्त्री ‘देव बाणी’को प्रचारमा आएका कुन्दन भारद्धाज भन्छन् : ‘नेपाल एकदमै मनपर्छ’ जुनारले बढायो समृद्धिको यात्रा विचार नेपाल–कोरिया सम्बन्धको नयाँ मार्गचित्र सहकारी ठगीमा संलग्न जो कोहीलाई छोड्दैनौँ मन्त्री गुरुङ वन्यजन्तुमैत्री वातावरण सृजना गरी संरक्षणमा सबै लाग्नुपर्छः मन्त्री ठकुरी