रामेछापमा अदालतले फैसला गरेको ३५ करोड रुपैँया जरिवाना उठाउन बाँकी

रामेछाप । रामेछाप जिल्लामा अदालतले फैसला गरेको ३५ करोड रुपैँया भन्दा बढी जरिवानाको रकम उठ्न बाँकी रहेको छ ।

जिल्ला अदालत रामेछापले बुधबार पत्रकार सम्मेलन गरी सो कुराको जानकारी दिएको हो । जिल्ला न्यायाधीश राजेन्द्र नेपालका अनुसार अदालतले फैसला गरेको ३५ करोड २९ लाख ४७ हजार ६ सय १९ रुपैँया जरिवाना रकम उठ्न बाँकी रहेको छ । त्यस्तै अदालतले सुनाएको १४ लाख ८६ हजार २ सय ७५ रुपैँया क्षतिपूर्तिको रकम असुल हुन बाँकी रहेको छ ।

यसै गरी अदालतले फैसला गरेको ६ सय ४७ वर्षको जेल सजाय भुक्तानी हुन बाँकी रहेको पनि नेपालले जानकारी गराए । सजाय तोकिएका मानिसहरू फरार हुँदा फैसला कार्यान्वयनमा नआएको उनले जानकारी दिए ।

अदालतले मुद्दा फैसलाको प्रक्रियामा भने लक्ष अनुसार नै प्रगति गरेको उनले बताए । जिल्ला अदालत रामेछापमा २ वर्ष नाघेका कुनै पनि मुद्दा बाँकी नरहेको उनले जानकारी दिए । यस हिसाबले अदालत लक्ष अनुसार नै मुद्दा फैसला गर्न सफल रहेको उनले बताए ।

अदालतले गरेका फैसला कार्यान्वयनमा पत्रकारको महत्पूर्ण भूमिका हुने बताउँदै उनले यसमा सहयोग गर्न पत्रकारहरूलाई आग्रह गरे । त्यस्तै न्यायालयमा देखिएका कमी कमजोरी छन् भने सुधारको लागि सुझाव दिन पनि उनले अनुरोध गरे । पत्रकार भेटघाट कार्यक्रममा अदालतबाट भए गरेका काम र उपलब्धिको बारेमा जानकारी गराइएको थियो ।

थप समाचारहरु

अन्नपूर्ण क्षेत्रलाई केन्द्रविन्दू बनाएर भूकम्प प्रादेशिक र स्थानीय सडक सुधार परियोजना समयमै सम्पन्न गर्नुपर्ने मेडिकल कलेज तथा सरकारी अस्पताललाई शुल्क विवरण सार्वजनिक गर्न स्वास्थ्य मन्त्रालयको परिपत्र, ‘१८ महिनापछि देउवा प्रधानमन्त्री, ०८४ सम्म यही समीकरण टिक्छ’ स्वास्थ्य सेवा ऐन ल्याउने तयारी कृषि विकास बैंकले किसानलाई केन्द्रमा राखेर काम गर्नुपर्छ : उपप्रधान तथा मन्त्री सिंह