News and Updates
जनकपुर । जनकपुरधाममा राष्ट्रिय सहकारी दिवस विभिन्न कार्यक्रम गरी मनाइएको छ ।
‘मर्यादित सहकारी : समुन्नत समाज’ नाराका साथ बुधबार जनकपुरधाममा राष्ट्रिय सहकारी दिवस २०८१ मनाइएको छ । सो क्रममा भूमि व्यवस्था, कृषि तथा सहकारी मन्त्रालय मधेश प्रदेशको आयोजनामा प्रभातफेरि तथा रक्तदान कार्यक्रम गरिएको छ ।
कार्यक्रममा बोल्दै भूमी व्यवस्था, कृषि तथा सहकारी मन्त्री जनार्दन सिंह क्षेत्रीले मधेश प्रदेशमा कृषिलाई प्रविधीमैत्री बनाउन सके सम्पूर्ण नेपाललाई पुग्ने गरी अन्न उत्पादन गर्न सकिने बताएका छन् । मन्त्री क्षेत्रीले किसानहरुलाई सिचाइको सुविधा प्रदान गर्न मिसनको रुपमा आफ्नो मन्त्रालयले काम गरिरहेको जानकारी दिए ।
उनले किसानको खेतसम्म बोर्डिङ र विद्युत सहज रुपमा पुर्याउन मात्र सके कृषिजन्य वस्तुको उत्पादनमा दोब्बर बढोत्तरी हुने जनाए । चुरे विनास र विश्व भरि जलवायु परिवर्तनको असरले गर्दा समयमा पानी नपर्ने भएकाले चुरे संरक्षणमा पनि ध्यान दिन आवश्यक रहेको उनले बताए ।
मन्त्री क्षेत्रीले समाजको उत्थान र समाजिक परिवर्तनका लागि सहकारीले राम्रो भूमिका निर्वाह गरिरहेको बताए । उनले गाउँघरका किसानका लागि सहकारी बरदान सावित भएकोमा सहकारीलाई धन्यवाद दिए । पुरुष भन्दा महिलाहरुको सहकारीमा सहभागीता बढि देखिएकोले महिलाहरुको भूमिका सराहनीय रहेको उनको भनाई थियो ।
थप समाचारहरु
सरकार ढाल्ने खेलमा लाग्दैनौं, ०८४ मा बहुमत ल्याउँछौं : केपी ओली
पूर्व कानूनमन्त्री लिलानाथ श्रेष्ठकै घरमा बाल्यकाल तुहाउने गरि बालश्रम शोषण
उद्योगी व्यवसायीका समस्याप्रति मधेश सरकार गम्भीर छ : मुख्यमन्त्री सिंह
मधेशका मुख्यमन्त्री सिंहले गरे सबै ८ राज्यमन्त्री बर्खास्त
मधेश प्रदेशका मुख्यमन्त्री सिंह र मन्त्रीहरूबीच कार्यसम्पादन सम्झौता
मैथिली विकास कोषको निर्माणाधीन भवनको मुख्यमन्त्री सिँहद्वारा निरीक्षण
फेसबुकबाट तपाईको प्रतिक्रिया