एनआइएचएसको दाबी : ‘अन्तर्राष्ट्रिय स्तरको नवीनतम स्वास्थ्य सेवा दिएका छौं

काठमाडौं । काठमाडौंको वानेश्वरमा संचालित नेपाल इन्टरनेशनल हेल्थ सर्भिस(एनआइएचएस)ले अन्तर्राष्ट्रिय स्तरकै स्वास्थ्य सेवा र प्रविधि भित्र्याएर विरामीहरुलाई अत्याधुनिक सेवा प्रदान गरिरहेको दाबी गरेको छ ।

एकै ठाउँबाट धेरै किसिमका र अन्तर्राष्ट्रिय स्तरका स्वास्थ्य सेवाहरु दिइरहेको क्लिनक व्यवस्थापनको दाबी छ । नेपालमा अन्तर्राष्ट्रिय स्तरको नवीनतम र पूर्ण प्रविधिसहितको सेवा दिइरहेको संस्थाका स्थापक अध्यक्ष डा. रुपनारायण शाहले जानकारी दिए ।

नेपाल न्यूज बैंकसँगको कुराकानीमा उनले नेपाल इन्टरनेशनल हेल्थ सर्भिसेस (एनआईएचएस)काठमाडौं उपत्यका भित्रका मेडिकल वा क्लिनिक सेन्टरहरु भन्दा नवीनत सेवा सुविधासहित संचालित रहेको बताए ।

‘काठमाडौं उपत्यकामा अन्य धेरै मेडिकल र क्लिनिक रहेपनि एनआईएचए जस्तो पूर्ण सेवा सुविधासहितको अन्य छैनजस्तो लाग्छ । सबै प्रकारको उपचार र सेवा एउटै छत मुनिबाट उपलब्ध गराउने बहुआयामिक डाक्टरहरुको टिम भएका कारण नै अन्य भन्दा पृथक छ,’डा.शाहले भने,‘न्यूरो, कार्डियो, अर्थो, गाइनो, पेडियाट्रिक, जस्ता सबै विभागका डाक्टरहरु छन् । सबैले ओपीडी सेवा दिन्छन् । सँगै डाइग्नोस्टिकका लागि सीटी र एमआरआई सेवाहरु दिएका छौ ।’

उनले पर्वहरुमा विभन्न किसिमको अफरहरु ल्याएर बिरामीहरुलाई सहुलियत दिने गरेको पनि जनाए । उनका अनुसार न्यून आय स्तर भएका व्यक्ति, ज्येष्ठ नागरिक र  बच्चाहरुका लागि विशेष सहुलियतको व्यवस्था रहेको सुनाए ।

सरकारको प्रोटोकल अनुसार मापदण्ड पालना गरेको क्लिनिक प्रशासनले जनाएको छ । हप्तामा एक एउटा विभागमार्फत निश्चित विरामीलाई ५० प्रतिशत छुट दिने व्यवस्था पनि मिलाइएको छ । साथै उपचारको लागि पैसा अभाव भएकाहरुलाई २० प्रतिशत छुटको व्यवस्था मिलाइएको छ ।

त्यस्तै उपकरण खरिदमा नीजि क्षेत्रका स्वास्थ्य सेवाहरुमा सरकारले कुनै किसिमको सहुलियत नदिएको डा.शाहले बताए । मेसिनहरु किन्ने बेलामा पनि अनुदानको रुपमा सहयोग नपाएको उनले जानकारी दिए ।

अध्यक्ष शाहका अनुसार संस्थाले होम सर्भिसको सेवा सुरु गरिनसकेको तर स्याम्पल संकलन घरबाट गर्न मिल्ने र बिरामीलाई आउन जानको समस्या छ भने ल्याउने र लैजाने काम सुरु गरेको भन्दै भविष्यमा भने होम सर्भिसको सेवा दिने संस्थाको योजना रहेको सुनाए ।

एनआइएचएस प्याथोलोजीको सेवामा सरकारको मापदण्ड अनुसार क्याटेगोरी ‘सि’ मा परेको र आधारभूत रुपमा रगत जाँचदेखि मान्यता प्राप्त ए र बि क्याटेगोरीको ल्याबसँग सहकार्य गरेर काम गरिरहेको उनको भनाई छ ।

अन्य क्लिनिकहरुमा नभएका गुणस्तरयुक्त मेसिनहरु उपलब्ध रहेकाले धेरै क्लिनिकहरुमा नभएका यूरोफ्लोमेट्रिक, पिएफटि, एनसिटि, नर्ब कन्डक्सन, इजी जस्ता सबै सेवाहरु पनि एनआइएचएसमा रहेको छ ।

एनआइएचएस हस्पिटल नभएर एउटा मेडिकल सेन्टर भएको हुनाले इमर्जेन्सी अपरेसन, आइसियु र भर्नाको सेवा भने उपलब्ध छैन् । तर त्यसका लागि भने फरक अस्पतालहरुसँग सम्झौता गरेर बिरामीलाई नजिक र अनुकुल हुने अनुसार अस्पतालमा भर्ना गर्ने व्यवस्था पनि गरेको छ ।

डा.शाहले भने,‘हाम्रोमा सेवाको लिमिटेसन पनि छ किनभने यो मेडिकल सेन्टर हो । इमर्जेन्सी भर्ना गर्न मिल्दैन । इमर्जेन्सी अपरेसन, आइसियु र भर्नाको सेवा छैन । समस्या परेका बेला अस्पतालहरुसँग सम्झौता गरेका छौ । जहाँ नजिक पर्छ, सहुलियत हुन्छ, आफूलाई अनुकुल हुन्छ त्यहाँ भर्ना गर्ने वातावरणसम्म बनाउछौ ।’

एनआइएचएसले ओपिडीमा न्युरो मेडिसियन, कार्डियोमेडिसियन, चेस्ट फिजिसियन, गाइनोकोलोजिस्ट, पेडाक्ट्रिसियन अर्थोको साथै अरुपनि विभागका डाक्टरहरुबाट सेवा प्रवाह गरिएको छ  ।

यस्तै, डाइग्नोसिसमा क्याटोगरी ‘सि’ को प्याथोलोजी ल्याव, फार्मेसी, एक्सरे, अल्ट्रासाउन्ड, इन्डोस्कोपी, क्लुनोस्कोपी, एनसिटी, नर्कन्डक्सन, इइजी, पीफटि, युरोफम्याटेट लगायतका सम्पुर्ण सेवाहरु छन् ।

एनआइएचएसमा डेन्टल सेवा, आँखाको सेवा नाक, कान, घाटी, स्किन र हेयरलाई पनि समेटेर काम गरिरहेको छ ।  हाड्राफेसियल, बुटक, फिलससँगै पीआरपीहरु, पीलिङ, अनवान्टेड हेयर रिमुभको सेवा दिएको छ ।  हेयरमा जीअफसी, पीआरपी र हेयर ट्रासप्लान्टको सेवा छ । चार महिनामा २५ भन्दा बढि हेयर ट्रासप्लान्ट गरिसकेको डा. शाहले जानकारी दिए । महिला सम्बन्धी फटिलिटि र आइभी सेवापनि पछिल्लो समय प्रारम्भ गरेको उनले बताए ।