पत्रकार रायलाई मेयरका छोराको धम्की, अदालतमा मुद्दा दर्ता

सिरहा । सिरहाका पत्रकार राहुल रायले सिरहा जिल्ला अदालतमा विहीबार गाली बेइज्जती मुद्दा दायर गरेका छन् ।

गोलबजार नगरपालिकाका मेयर श्याम श्रेष्ठका छोरा तथा युवा संघ नेपालका केन्द्रीय सदस्य सुमित श्रेष्ठलाई प्रतिवादी बनाएर रायले मुद्दा दर्ता गराएका हुन् ।

उनले फिराद पत्रमा गत ११ गते चैतमा प्रतिवादी श्रेष्ठले मध्यरातमा फोन गरेर तथानाम अश्लिल अपशब्दहरु प्रयोग गर्दै गाली बेइज्जती गरेको र धम्की समेत दिएकाले अन्यायमा परेको उल्लेख गरेका छन् ।

उनले निर्धो ठानेर हेपेर आफुलाई गाली बेइज्जती गरेकाले प्रतिवादी श्रेष्ठलाई कानून बमोजिम जेल सजाय र जरीवाना समेत हुनेगरी सजाय दिन माग गरेका छन् ।

राय भन्छन्,‘म पत्रकारितामा प्रवेश गरेको छु । कसैले वैधानिक अनलाइन समाचार पत्रमा लेखेको वा प्रकाशित गरेको समाचार शेयर गर्नु मेरो कुनै अपराध त होइन । अनि बिना कसुर मलाई मध्यरातमा फोन गरेर गाली बेइज्जती गर्ने यो कस्तो दादागिरी हो ? के कमजोरले समाजमा जीवित रहन र निर्भय भएर बाँच्न नपाउने, कानूनी राज्य कहाँ गयो ?’

रायले आफुलाई न्यायालयप्रति आशा, भरोसा र विश्वास रहेको कारण न्याय माग्न गएको उल्लेख गरेका छन् । समाजमा आत्मसम्मानपूर्वक बाँच्न पाउने मेरो मानव अधिकार न्यायालयबाट प्रचलन हुनेमा आफु विश्वस्त रहेको उनले बताए ।

थप समाचारहरु

कृषि क्षेत्र उपेक्षित भएको महोत्तरीका मतदाताको गुनासो गढीमाई मन्दिरलाई विश्व सम्पदा सूचीमा सूचिकृत गराउन पहल गरिनेछ : गृहमन्त्री लेखक आयोजनाको प्रथामिकताका आधारमा ऋण लिनुपर्ने सखुवा प्रसौँनी गाउँपालिकाका पूर्वअध्यक्ष जयसवाललगायत एमालेमा प्रवेश मांसमदिरा बेच्नेलाई कारबाही गर्ने मुख्यमन्त्रीको चेतावनी एलाइट कप क्रिकेट हुने, चार टिमको सहभागिता रहने