News and Updates
काठमाडौं । नेपालपन्छी संरक्षण संघले आफ्नो वार्षिक क्यालेन्डर सार्वजनिक गरेको छ ।
शुक्रबार काठमाडौंमा आयोजित एक कार्यक्रमकाबीच संघले आफ्नो वार्षिक क्यालेन्डर सार्वजनिक गरेको हो ।
संघका सदस्य सुदर्शन कार्कीले यस वर्षको क्यालेन्डरमा १२ जना फोटोग्राफरले खिचेको तस्बिरहरु समेटिएको जानकारी दिए ।
कसैले पनि नदेखेको,पहिलो पटक पत्ता लगाएको चरा समेत सबैले क्यालेन्डर मार्फत हेर्न पाउने गरी राखिएको पनि उनले बताए ।
उनले भने,‘आजहाम्रो क्यालेन्डर सार्वजनिकभएको छ । यो क्यालेन्डरमा १२ जना फोटो ग्राफरले भाग लिएको छ । र उहाँहरुको बेस्ट काम भएको छ । यो वर्षको क्यालेन्डरमा कसैले पनि नदेखेको पहिलो पटक पत्ता लगाएको चरा राखेको छौं । तीन सय जना जतिले यो चरा देखेको छैन । सबैले देख्नुहोस् भनेर क्यालेन्डरमा राखेको छौंै ।’
त्यस्तै उनले आउने पुस्ताहरुलाई पनि चरा देखाउनको लागि संरक्षण गर्न आवश्यकता रहेको बताए ।
उनले भने, ‘चराको संरक्षण किन पनि गर्नुपर्छ भने हामीले त देख्यौं तर अझै नी कत्तिले देखेको छैनन् । झन हाम्रो सन्ततीले कसरी देख्न पाउँछन् ? त्यसकारण यसको संरक्षण गरौं ।’
फेसबुकबाट तपाईको प्रतिक्रिया