तेक्वान्दो खेलको अवस्था खस्किएकोमा मन्त्री चिन्तित, बजेटबारे चिन्ता नलिन आग्रह

काठमाडौं । युवा तथा खेलकुदमन्त्री तेजुलाल चौधरीले पछिल्लो समय अन्तर्राष्ट्रिय स्तरमा तेक्वान्दो खेलले आफ्नो पहिचान कायम गर्न नसकेको महशुस भएको बताएका छन् ।

बिहीबार ललितपुरस्थित नेपाल तेक्वान्दो संघमा आयोजित कुकीवन कप तेक्वान्दो च्याम्पियनसिप २०२५ को उद्घाटन गर्दै उनले यस वर्ष संघलाई बजेट उपलब्ध गराउन कोशिस गरिरहेको भन्दै बजेटको चिन्ता नलिइ खेललाई अगाडि बढाउन आग्रह गरे ।

उनले भने,‘अन्तर्राष्ट्रिय जगतमा धेरै पदकहरु प्राप्त गरेको थियो । तर अहिले आएर तेक्वान्दोले जति पदक प्राप्त गर्नुपर्ने हो, जति अन्तर्राष्ट्रिय स्तरमा आफ्नो पहिचान कायम गर्न सक्नुपर्ने तर यसमा कमी कमजोरी भएको महशुस भएको छ । त्यसैले बजेटको चिन्ता नगर्नुहोस् । यस वर्ष व्यापक बजेट उपलब्ध गराउन कोशिस गरिरहेको छौं ।’

त्यस्तै उनले देशको नाम उच्च राख्ने तेक्वान्दो खेलको विकासमा बाधा उत्पन्न गर्ने हरेक प्रयासहरु मान्य नहुने पनि बताए । मन्त्री चौधरीले तेक्वान्दो खेल र खेलाडीहरुको विकासको लागि सँधै नेपाल तेक्वान्दो संघसँग हातेमालो गर्दै अगाडि बढ्ने प्रतिबद्धता समेत व्यक्त गरे ।

उनले भने,‘तेक्वान्दो खेलले देशलाई सँधै गौरव गराएको छ । आगामी दिनहरुमा यस खेलले अझै सफलता दिलाउने र देशको नाम उच्च राख्ने विश्वास लिएको छु । देशको नाम उच्च राख्ने खेलको विकासमा बाधा उत्पन्न गर्ने हरेक प्रयासहरुलाई यस मन्त्रालय र राष्ट्रिय खेलकुदलाई मान्य हुने छैन् । यस खेल र खेलाडीहरुको विकासको लागि सँधै नेपाल तेक्वान्दो संघसँग हातेमालो गर्दै अगाडि बढ्ने प्रतिबद्धता व्यक्त गर्दछु ।’

थप समाचारहरु

एनपीएल उद्घाटन खेलको टिकटका लागि फोन नगर्नुहोला : पारस खड्का ओलम्पिक कमिटीलाई सदस्यता प्रदान गर्न खेल संघहरुको माग एनपीएलको फाइनल शनिबार, उपाधि जित्नेमा कप्तानद्वय ढुक्क खेलकुदले प्रश्न मात्र होइन, जवाफ पनि दिनुपर्छ : सचिव घिसिङ ओलम्पिक कमिटीसँग सम्बन्धित संघ र व्यक्तिलाई कडा कारवाहीको माग कमाने प्रिमियर लिग क्रिकेट प्रतियोगितामा ८ वटा टिम सहभागी हुँदै