त्रिवि क्रिकेट मैदान पुनर्निर्माण तोकिएकै मितिमा पूरा हुने

काठमाडौं । उपप्रधान एंव सहरी विकासमन्त्री प्रकाशमान सिंहले त्रिवि क्रिकेट मैदान कीर्तिपूरको काम तोकिएको मितिभित्र पूरा हुनेगरि काम अगाडि बढिरहेको बताएका छन् ।

विहीबार त्रिवि क्रिकेट मैदानको अवलोकन गर्दै उनले प्रतिकूल मौसममा पनि पूर्वाधार निर्माणको काम भइरहेको भन्दै जनशक्ति बढाएर तोकिएको मितिभित्र काम सकाउने हिसाबले अगाडि बढेको बताए ।

उनले भने, ‘प्रधानमन्त्रीको विशेष चासो भएको प्रोजेक्ट भएकाले योभन्दा अगाडि पनि अवलोकनमा आएका थियौं । र आज हालसम्मको प्रगति बुझ्ने काम भएको छ । यस्तो प्रतिकूल मौसममा पनि काम भइरहेको छ, तोकिएको मिति भित्र काम सकाउने हिसाबले काम अगाडि भएको पाएका छौं ।’

टियू क्रिकेट मैदानको बारेमा सम्बन्धित व्यक्तिहरुसँग पनि मन्त्रालयमा बोलाएर यसको प्रगतिबारे सोध्ने गरेको उनको भनाई छ ।

त्रिवि क्रिकेट मैदान कीर्तिपुर हाल पुनर्निर्माणको क्रममा छ । वैशाख २४ गते भित्र यसको निर्माण कार्य सकिने सहरी विकास मन्त्रालयको भनाइ छ ।

थप समाचारहरु

खेल क्षेत्रमा उल्लेख्य प्रगति भइरहेको छ : प्रधानमन्त्री बीपी कोइराला कप : भारतको् लाइफ केयर र नेक्सस रुपन्देही फाइनलमा प्रधानमन्त्री ओलीको नजरमा एनपिएलका आठ मार्की खेलाडी १६ मङ्सिर, एनपीएल : उपनिर्वाचनका कारण आज खेल नहुने प्रतिनिधिसभासँग राष्ट्रियसभा १३ गोलले पराजित खेलकुदका क्षेत्रमा नेपाल अहिले अगाडि बढेको छ : प्रधानमन्त्री ओली