जनमत पार्टीको संसदीय दलको निष्कष : योजना खरिद बिक्री आरोप निराधार  

जनकपुर । मधेश प्रदेश सरकारमा योजना खरिद विक्री हुने गरेको आरोप निराधार रहेको जनमत पार्टीको संसदीय दलले निष्कर्ष निकालेको छ ।

शुक्रबार जनकपुरमा बसेको जनमत पार्टीको संसदीय दलको बैठकले मधेश प्रदेश सभामा योजना खरिद बिक्री बारे लगाइएको आरोप निराधार भएको निष्कर्ष निकालेको छ ।

गत चैत २७ गते प्रदेशका भौतिक पूर्वाधार मन्त्री सरोज कुमार यादवले सरकारमा योजनाहरु खरिद विक्री हुने गरेको आरोपको बारेमा जबाफ दिएका थिए ।

मधेश प्रदेश सभामा प्रदेश सभा सदस्यहरुको यस्ता अभिव्यक्ति संघीयताविरोधी रहेको संसदीय दलको बैठकले निष्कर्ष निकालेको छ । ‘यस्ता अभिव्यक्तिले संघीयतालाई सुन्योजित तरिकाले समाप्त पार्न मलजल गर्ने हाम्रो ठहर छ ।’ जनमतका संसदीय दलका नेता महेश प्रसाद यादवले भने, ‘बिना आधार यस्तो आरोप लगाउनु भनेको लाखौं जनताको बलिदानबाट प्राप्त संघीयतालाई समाप्त पार्न खोज्नु हो ।’

नेता यादवले सरकारले दिएको योजनाहरुको गहन छानबिन गर्ने बताए । उनले अहिलेका योजना र भावि योजनाहरु र सरकारको काम कारवाहीको बारेमा मुख्यमन्त्री सतिशकुमार सिंहले विस्तृत कार्ययोजना आगामी संसदीय दलको बैठकमा प्रस्तुत गर्ने जानकारी दिए ।

संसदीय दलको बैठकमा मधेश प्रदेशका वन तथा वातावरण मन्त्री त्रिभुवन साहबारे पनि आइरहेका आरोपबारे पनि छलफल गरिएको छ ।  सो क्रममा मन्त्री साहले बैठकमा मौखिक जबाफ दिएका थिए । उनीसँग संसदीय दलको बैठकले लिखित जबाफ माग गरेको छ ।

थप समाचारहरु

सरकार ढाल्ने खेलमा लाग्दैनौं, ०८४ मा बहुमत ल्याउँछौं : केपी ओली पूर्व कानूनमन्त्री लिलानाथ श्रेष्ठकै घरमा बाल्यकाल तुहाउने गरि बालश्रम शोषण उद्योगी व्यवसायीका समस्याप्रति मधेश सरकार गम्भीर छ : मुख्यमन्त्री सिंह मधेशका मुख्यमन्त्री सिंहले गरे सबै ८ राज्यमन्त्री बर्खास्त मधेश प्रदेशका मुख्यमन्त्री सिंह र मन्त्रीहरूबीच कार्यसम्पादन सम्झौता मैथिली विकास कोषको निर्माणाधीन भवनको मुख्यमन्त्री सिँहद्वारा निरीक्षण