राष्ट्रिय स्केटबोर्डिङ : खुसी, गजेन्द्र र अभिषेक च्याम्पियन

काठमाडौं । खुसी बिक, गजेन्द्र बर्देवा र अभिषेक परियार आठौं राष्ट्रिय स्केटबोर्ड च्याम्पियनसिपको आफ्नो विधामा विजेता भएका छन् ।
नेपाल स्केटिङ तथा स्केटबोर्डिङ संघको आयोजनामा भएको च्याम्पियनसिपमा महिला खुलातर्फ खुसी विजेता भइन् । लेमन मगर दोस्रो र समिक्षा राईले तेस्रो भए ।

खुला पुरुषतर्फ गजेन्द्र प्रथम, शरद राई दोस्रो र वसन्त राई तेस्रो भए । पुरुष जुनियरतर्फ अभिषेक प्रथम, अंकित बिक दोस्रो र अविनाश कुमाल तेस्रो भए ।

खुला विजेताले २५ हजार, दोस्रोले २० हजार र तेस्रोले १५ हजार, जुनियर विजेताले १० हजार, दोस्रोले ५ र तेस्रोले ३ हजार रुपैयाँ पुरस्कार पाएको आयोजक संघका सचिव दिनेश बजगाईले बताए ।

विजेता खेलाडीलाई नेपाल ओलम्पिक कमिटीका अध्यक्ष जीवनराम श्रेष्ठ, नेपाल स्केटिङ तथा स्केट बोर्डिङ संघका अध्यक्ष अच्युत खनाल, प्रशिक्षक दिलीपराज बराललगायतले पुरस्कृत गरे ।

थप समाचारहरु

एनपीएल उद्घाटन खेलको टिकटका लागि फोन नगर्नुहोला : पारस खड्का ओलम्पिक कमिटीलाई सदस्यता प्रदान गर्न खेल संघहरुको माग एनपीएलको फाइनल शनिबार, उपाधि जित्नेमा कप्तानद्वय ढुक्क खेलकुदले प्रश्न मात्र होइन, जवाफ पनि दिनुपर्छ : सचिव घिसिङ ओलम्पिक कमिटीसँग सम्बन्धित संघ र व्यक्तिलाई कडा कारवाहीको माग कमाने प्रिमियर लिग क्रिकेट प्रतियोगितामा ८ वटा टिम सहभागी हुँदै