तथ्यांकमा नेपाली फुटबलको विश्वकप छनोट

२८ कात्तिक, काठमाडौं । नेपालले बिहीबार एसियाली विश्वकप छनोटको दोस्रो चरणम यूएईको सामना गर्नेछ ।

पहिलो चरणमा लाओसलाई पन्छाएपछि नेपाल छनोटको दोस्रो चरणमा पुगेको हो । लाओसविरुद्ध दुई लेगको खेलमा नेपाल समग्रमा २-१ ले विजयी रह्यो । नेपालले निर्णायक सावित दोस्रो लेगको खलमा लाओसलाई १-० ले हराएको थियो ।

अबको आठ महिनामा नेपालले छनोटका छ खेल्नेछन् र एक प्रकारले राष्ट्रिय टिम ब्यस्त जस्तै हुनेछ । यूएईको सामना गर्न फुटबलको विश्वकप छनोटमा नेपालको अहिलेसम्मको प्रदर्शनको १० महत्त्वपूर्ण तथ्यांक ।

१. नेपालले अहिलेसम्म नौ संस्करणको विश्वककप छनोट खेलेको छ । नेपालले सबैभन्दा पहिले सन् १९८६ को विश्वकप छनोट खेलेको थियो । अहिले चलिरहेको विश्वकप छनोट सन् २०२६ को संस्करणका लागि हो ।

२. नेपालले अहिलेसम्म विश्वकप छनोटका ४० खेल खेलेका छन् । त्यसमध्ये ३२ खेल विदेशी भूमिमा खेलेको छ भने आठ खेल आफ्नो घरेलु मैदानमा खेलेको छ । यूएईविरुद्धको खेल नेपालले विदेशी भूमिमा खेल्ने विश्वकप छनोटको ३३ औं खेल हुनेछ ।

३. विदेशी भूमिका अहिलेसम्म खेलका ३२ खेलमध्ये नेपालको एक खेल भने तटस्थ भूमिकामा रूपमा खेलिएको छ । सन् २०२२ को विश्वकप छनोटको कुवेतविरुद्धको एक खेल नेपालले भुटानको थिम्पुमा खेलेको थियो ।

४. अहिलेसम्मका ४० खेलमध्ये नेपाल सात खेलमा मात्र विजयी रहेको छ । यस्तै नेपालले छनोटका चार खेलमा बराबरी खेलेको छ । नेपाल बाँकी २९ खेलमा पराजित रहेको छ ।

५. विश्वकप छनोटका सात जितमध्ये चार विदेशी भूमिमा प्राप्त रहेको छ ।

६. विश्वकप छनोटमा नेपालको पहिलो जित मकाओविरुद्ध सन् २००२ को संस्करणमा हासिल भएको थियो ।

७. नेपालका लागि विश्वकप छनोटमा सर्वाधिक गोल गर्ने खेलाडी नीराजन रायमाझी हुन् । उनले सात गोल गरेका छन् र त्यसमा एक ह्याट्रिक समेत सामेल छ । अहिले भएको टिममा सदस्यमध्ये अञ्जन विष्टले चार गोल गरेका छन् । त्यसपछि हरि खड्काको नाममा तीन गोल रहेको छ ।

८. नेपालका लागि विश्वकप छनोटमा पहिलो गोल गर्ने खेलाडी हरि खड्का नै हुन् ।

९ नेपालले अहिलेसम्म यूएईको एकै पल्ट मात्र सामना गरेको छ । एसियाकप छनोटको त्यस खेलमा नेपाल ११-० ले पराजित भएको थियो । सन् १९८४ को त्यस खेलको हार नेपालले अन्तर्राष्ट्रिय फुटबलमा बेहोरेका ठूला चार पराजयमध्ये एक हो ।

१०. नेपालले यूएईलाई उसकै भूमिका सामना गर्न लागेको यो पहिलो पल्ट हो । नेपालले यूएईविरुद्ध विश्वकप छनोटमा खेल्न लागेको पनि यो पहिलो पल्ट हो ।