अन्तरजातीय प्रेमकथामा ‘ईश्वर’

३२ जेठ, काठमाडौं । राजु गिरीको निर्देशनमा तयार भएको फिल्म ‘ईश्वर’को ट्रेलर सार्वजनिक भएको छ ।

ओएसआर डिजिटलबाट सार्वजनिक ट्रेलरमा आफ्नो कुलभन्दा बाहिरको युवायुवती प्रेममा परेपछि उत्पन्न समस्यालाई प्रस्तुत गरिएको छ । ट्रेलरमा अन्तरजातीय प्रेमकथालाई उठान गरेको देखिन्छ ।

ट्रेलरमा ध्रुव थापा, सुनिल थापा, बुद्धि तामाङ, अनु शाह, सबिन बास्तोला, माओत्से गुरुङ, पृथ्वीराज प्रसाई, रविन्द्र झा, कृष्टि गुरुङलगायतका कलाकार फिचर्ड छन् ।

दिव्या कंगना फिल्म्सको ब्यानरमा निर्माण भएको फिल्ममा हरिबहादुर थापाको निर्माण छ । फिल्ममा भोजराज देवकोटाको पटकथा तथा संवाद छ ।

लक्ष्मी कुँवर थापाको प्रस्तुतिमा निर्माण भएको फिल्ममा ध्रुव थापा, पृथ्वीराज प्रसाईं, अनु शाह, सुनिल थापा, सविन बास्तोला, माओत्से गुरुङ, शिशिर बाङ्देल, ध्रुव थापा, रविन्द्र झा, बुद्धि तामाङ, कृष्टि गुरुङ, गीता अधिकारीलगायतको अभिनय छ । यहि फिल्मबाट अभिनेत्री अनु शाहले पाँच वर्षपछि अभिनयमा कमब्याक गरेकी छन् । उनको पछिल्लो प्रदर्शनमा आएको फिल्म ‘पसिना’ हो ।

फिल्ममा अर्जुन पोखरेल, राजेन्द्र बजगाई र बीपी वाग्लेको संगीत, कविराज गहतराज, देवेन्द्र पाण्डे र सुरेश पाण्डेको कोरियोग्राफी रहेको छ ।

फिल्ममा रामेश्वर हुँमागाईको छायांकन र देव महर्जनको द्वन्द्व निर्देशन रहेको छ । फिल्मको वितरणको आरआर फिल्मस्ले गर्दैछ । फिल्म साउन ११ मा रिलिज हुँदैछ ।

थप समाचारहरु

सकिना महर्जनलाई मिस नेवाः नेपालको उपाधि कलाकार सानु ताम्राकारको निधन चलचित्र छायांकनदेखि प्रदर्शनसम्म डिजिटल प्रविधिको रुपान्तरण थारू भाषाकाे गीत गिन गिन २काे म्युजिक भिडियाे सार्वजनिक टिकटक प्रतिबन्धबारे कलाकार भन्छन् : प्लाटफर्ममा रोक हैन, कन्टेन्ट नियमन गरौं ‘दिमाग खराब’ ले उठाएको मागलाई निर्माता संघले साथ दिने