बाटो क्रस गर्दा दुर्घटना, एक बालक र मोटरसाइकल चालक घाइते

काठमाडौँ । कैलालीको धनगढीमा बाटो क्रम गरिरहेका बालकलाई मोटरसाइकलले ठक्कर दिएको छ । धनगढी उप–महानगरपालिका – १ पुरानो एयरपोर्ट नजिक सुपप्र।०१–०१० प ३४४१ नम्बरको मोटरसाइकलले पैदल यात्री जोशीपुर गाउँपालिका – ५ घर भई हाल धनगढी उपमहानगरपालिका – ५ बस्ने ११ वर्षीय प्रिन्स धामीलाई ठक्कर दिएको हो ।

मोटरसाइकलको ठक्करबाट घाइते भएका बालकको निधार, हात र खुट्टामा चोट लागेको जिल्ला प्रहरी कार्यालय कैलालीले जनाएको छ ।

उक्त दुर्घटनामा मोटरसाइकल चालक धनगढी उप–महानगरपालिका १ का ५१ वर्षीय मेख नाथ बडाल पनि घाइते भएका छन । उनको मुख, हात र खुट्टामा चोट लागेको छ । दुबै जना घाईतेको सेती प्रादेशिक अस्पताल धनगढीमा प्रहरीले जनाएको छ ।