बाजुरामा कुमारी बैँक र पसलमा चोरी गर्ने ३ जना पक्राउ

पक्राउ पर्नेमा बडिमालिका नगरपालिका १ पिनालेखका २३ बर्षिय जनकराज उपाध्याय, वडा नम्बर ७ जिल्लिी बस्ने २० बर्षिय किरण बि.क र वडा नम्बर ४ ओलेना बस्ने शन्देस नाथ पक्राउ परेका हुन् । उनिहरुलाई पक्राउ गरी चोरी आरोपमा मुद्धा दर्ता गरी जिल्ला अदालत बाजुराबाट म्याद थप गरेर अनुसन्धान गरिरहेको प्रहरी निरिक्षक कार्कीले जानकारी दिए । शुक्रबार मध्ये राति २ः०० बजेको समयमा बैंकको मुल ढोका तोडफोड गरी सिसी क्यामरा जडान गरिएको मनिटर लिएको सिसी टि.भी.फुटेजमा देखिएको छ । बैंकको मुल ढोका तोडफोड गरी बैंक भित्र प्रवेश गरेको समेत देखिएको थियो । यस्तै गौमुल गाउँपालिका–६ मा रहेको सूर्योदय बहुउद्देश्यीय सहकारी संस्था लिमिटेडको नगद ५० हजार समेत चोरी भएको बताईएको छ ।

त्यस्तै गाउँपालिकाको केन्द्र घट्मुना बजारमा रहेका ५ वटा पसलहरु तोडफोड गरी चोरी गरिएका छन् । स्थानीय व्यापारी चन्द्र रोकाया, सरिता रोकाया, गणेश थापा, सुशीला रोकाया र ज्ञान बहादुर सुनारको पसलमा चोरी भएको थियो ।