धनगढीमा फोहोर व्यवस्थापन गर्ने कर्मचारीकाे मृत्यु

१८ भाद्र, काठमाडौँ । कैलालीको धनगढी उपमहानगरपालिकामा फोहोर व्यवस्थापन केन्द्रमा काम गर्ने पुरुष एक्कासि ढलेर मृत्यु भएको छ ।

सोमबार साँझ धनगढी उपमहानगरपालिकाको फोहोर व्यवस्थापन केन्द्र पटेलामा काम गर्दै आएका भजनी नगरपालिका – ८ घर भई हाल धनगढी उप–महानगरपालिका १७ धुर्जन्नामा बस्दै आएका झलीराम चौधरीको मृत्यु भएको हो ।

उनको कोठाबाट काम गर्ने स्थान जाने क्रममा एक्कासि ढलेर मृत्यु भएको जिल्ला प्रहरी कार्यालय कैलालीले जनाएको छ । मृतकको श्रीमती आशा चौधरीले नै झलीरामको एक्कासि ढलेर मृत्यु भएको खबर दिएपछि प्रहरीको टोली घटनास्थल पुगेको थियो । प्रहरीले घटनाको थप अनुसन्धान भइरहेको जनाएको छ ।