दार्चुलामा जिप अनियन्त्रित भइ नालीमा खस्दा ९ जना घाइते

२७ भदौ,  धनगढी। गोकुलेश्वरबाट दार्चुला सदरमुकामतर्फ गइरहेको से १ ज १०२२ नम्बरको जिप मालिकार्जुन गाउँपालिका–७ धामीगडामा दुर्घटनामा परेको हो।जिप दुर्घटना हुँदा ९ जना घाइते भएका छन्।

बिहिवार साढे १२ बजेको समयमा जिप अनियन्त्रित भइ नालीमा खस्दा जिपमा सवार ९ जना घाइते भएका जिल्ला प्रहरी कार्यालय दार्चुलाले जनाएको छ। उनीहरूको जिल्ला अस्पताल दार्चुलामा उपचार भएको र उपचारपछि सबै यात्रुहरू घर फर्किएका दार्चुला प्रहरीले जनाएको छ।