प्रभु नारायण स्मृती बुद्धिचाल प्रतियोगिता सम्पन्न

प्रभु नारायण चौधरीको १४ औं स्मृति दिवसको उपलक्ष्यमा काठमाडौँको साउथ वेस्टर्न स्टेट कलेज वसुन्धरामा दुई दिने बुद्धिचाल प्रतियोगिता सम्पन्न भएको छ । शुक्रबारबाट शुरु भएको प्रतियोगिताका बिजेताहरुलाई आज एक समारोहका बिच पुरस्कार प्रदान गर्दै समापन भएको हो । स्मृती दिवसको अवसरमा १३० जना खेलाडीहरुले प्रतिस्पर्धा गरेका थिए ।

कार्यक्रममा बोल्दै प्रभु नारायण चौधरी स्मृति प्रतिष्ठानका अध्यक्ष बिद्यानन्द लेखिले चेस भनेको बुद्धि र बिवेकले खेल्ने खेल भएकोले यसलाई अगाडी बढाउनका निम्ति यो प्रतियोगिताको आयोजना गरेको बताए ।

उनले चेस खेल जोकोहीको लागि सहज नभएकोले यसलाई विस्तारका लागि यो कार्यक्रमले थप टेवा पुग्ने बताए । उनले चेस प्रतियोगिताले पनि अन्तर्राष्ट्रिय स्तरमा चिनाउन मद्दत गर्ने समेत बताए । खेल क्षेत्रले फड्को मारे मात्रै देशले हरेक क्षेत्रमा फड्को मार्ने बताए ।

लेखीले प्रभुनारायणले राजनीति क्षेत्रमा नयाँ आयाम ल्याएको र सामाजिक क्षेत्रमा अतुलनीय योगदान दिएको समेत बताए ।

प्रतियोगिता जनाएका र बिजेताहरुलाई प्रमाण पत्र, ट्रफी र नगद प्रदान गरेको थियो । बिजेताहरुलाई १ लाख राशीको पुरस्कार प्रदान गरेको आयोजकले जनाएको छ ।