अस्पताललाई एक महिनाभित्र आफ्नै फार्मेसी सञ्चालन गर्न मन्त्रालयको निर्देशन

१७ साउन, काठमाडौं । स्वास्थ्य तथा जनसंख्या मन्त्रालयले आफ्नै फार्मेसी नभएका सबै अस्पताललाई एक महिना भित्र फार्मेसी सञ्चालन गर्न निर्देशन दिएको छ ।

मन्त्रालयले सबै सरकारी, निजी, गैरसरकारी, सामुदायिक, प्रतिष्ठान तथा मेडिकल कलेजहरुलाई आफ्नै स्वामित्वमा फार्मेसी सञ्चालन गर्न निर्देशन दिएको हो ।

एक महिनाभित्र आफ्नै फार्मेसी सञ्चालन नगरेको पाइएमा कानुन अनुसार कारवाही प्रक्रिया अघि बढाइने स्वास्थ्य मन्त्रालयले चेतावनी समेत दिएको छ ।

अस्पताल फार्मेसी निर्देशिका २०७२ अनुसार आफ्नै स्वामित्वमा रहेको अस्पताल फार्मेसी मार्फ अस्पतालमा प्रयोग हुने सम्पूर्ण औषधि तथा औषधिजन्य सामग्रीहरु २४ सै घण्टा बिरामी वा बिरामी कुरुवाले प्राप्त गर्न सक्ने अवस्थाको सुनिश्चितता गर्नुपर्ने व्यवस्था गरिएको छ ।

यस्तै, स्वास्थ्य मन्त्रालयले तयार पारेको न्यूनतम सेवा मापदण्डमा पनि अस्पताल हाताभित्र अस्पतालकै फार्मेसी हुनुपर्ने र अस्पताल बाहेक अन्य फार्मेसी हुनु हुँदैन भन्ने प्रावधान राखेको छ ।

स्वास्थ्य मन्त्रालयले मंगलबार सबै अस्पताल, प्रतिष्ठान तथा मेडिकल कलेजहरुलाई आफ्नै फार्मेसी नभए एक महिना भित्र आवश्यक प्रक्रिया पुरा गरी आफ्नै स्वामित्वमा अस्पताल फार्मेसी सञ्चालन गर्न निर्देशन दिएको हो ।

थप समाचारहरु

कोरोनाको नयाँ भेरियन्टको जोखिम बढ्यो, सतर्कता अपनाउन स्वास्थ्य मन्त्रालयकाे आग्रह काठमाडौँमा वायु प्रदूषण बढ्यो, मास्क लगाउन स्वास्थ्य मन्त्रालयको आग्रह स्वास्थ्य मन्त्रालयले दियो अस्पतालका उपकरण मर्मत गर्ने जिम्मा राष्ट्रिय आविष्कार केन्द्रलाई साउनको अन्तिम सोमबार पशुपतिसहितका शिवालयमा भीड कञ्चनपुरका विद्यार्थी भन्छन् : कक्षाकोठा पानीले जलमग्न, कहाँ गएर पढ्ने ? ६ नाल भरुवा बन्दुक बरामद