बनस्थली ढुङ्गेधारास्थित खोलामा मोटरसाइकल खस्दा चालक बेपत्ता
११ असोज, काठमाडौँ । बनस्थली ढुङ्गेधारा नजिक मोटरसाइकल खोलामा खस्दा एक जना बेपत्ता भएका छन् ।
बुधबार कामपा १५ ढुङ्गेधारा नजिक रहेको अन्नपूर्ण चोक स्थित खोलामा बा प्र.–०२–०१८ प २९७३ नम्बरको मोटरसाइकल खसेको र चालक वेपत्ता रहेको उपत्यका प्रहरी कार्यालयका प्रवक्ता बिनोद घिमिरेले नेपालटिभीअनलाइनलाई जानकारी दिनुभयो ।
मोटरसाइकलमा सवार सिन्धुपालचोक घर भइ हाल रानिवन बस्ने १९ वर्षे चालक राजन श्रेष्ठलाई खोलाले बगाएको हो ।
मोटरसाइकल निकालिएको भएपनि चालक अहिले सम्म फेला पार्न सकिएको छैन । चालकको खोजी कार्य जारी रहेको घिमिरेले बताउनु भयो ।
प्रतिक्रिया दिनुहोस्