काठमाडौं महानगरमा जग्गाको मूल्याङ्कन साविककै दररेटमा

काठमाडौँ। काठमाडौँ महानगरपालिकाको राजस्व विभागले, सम्पत्ति कर लेखाजोखा गर्दा २०८० सालमा गरिएको जग्गाको मूल्याङ्कन दरलाई आधार मान्न परिपत्र गरेको छ।

असोज २३ गते गरिएको परिपत्रमा चालु आर्थिक वर्ष २०८१/८२ का लागि सम्पत्ति कर निर्धारण गर्दा जग्गाको मूल्याङ्कन दर सम्बन्धमा ऐनको दफा २ को उपदफा (१) को खण्ड (घ) मा भएको प्रावधानको सट्टा काठमाडौँ महानगरपालिका आर्थिक ऐन, २०८० मा भएको जग्गाको मूल्याङ्कन दरलाई आधारलिने भनिएको छ ।’

आर्थिक ऐन, २०८१ बमोजिम साउन १ गतेदेखि असोज मसान्तसम्म सम्पत्तिकर तिर्ने करदाताको हकमा, सङ्कलन गरिएको सम्पत्ति कर रकम आर्थिक ऐन, २०८० को तुलनामा घटी बढी भएको रकम आगामी ५ वर्ष भित्र क्रमशः समायोज नगर्ने, परिपत्रमा उल्लेख गरिएको छ।

महानगरपालिकाका वडाकार्यालयहरुले आर्थिक ऐन, २०८१ को दफा २ को उपदफा (१) घ अनुसार आफ्नो भौगोलिक क्षेत्रभित्रकाघरजग्गामा सम्बन्धित मालपोतकार्यालयले तोकेको जग्गाकोप्रति आना मूल्यलाईआधार मानेर कर संकलन गरिरहेका थिए।

यो व्यवस्थाबाट राजस्व संकलन गर्दा विगत वर्षहरुमा तिरेको कर रकममा अनपेक्षित घटीबढी भएको करदाता गुनासो आएपछि राजस्व समितिको शिफारिस र असोज २२ गतेबसेको ३६ औँ कार्यपालिकाको निर्णय अनुसार साविकको दररेटमा संकलन गर्ने निर्णय भएको हो।